Жартылай финалда Камерун Мысырдан ұтылса, Буркина-Фасо Сенегалға есе жіберген еді. Сол межеде сүрінген қос команда үшінші орынды өзара сарапқа салды. Ел астанасы – Яундедегі Ахмаду Ахиджо стадионында өткен бәсеке голдарға толы болды. Алғашында Буркина-Фасо қатарынан үш рет допты торда тулатты. Бұл голдардың авторлары – Яго (24 минут), Онана (24 минут, автогол) және Уаттара (49 минут). Десек те кездесудің екінші кезеңінде естерін жиған камерундықтар жергілікті жанкүйерлерді қуантудың барлық амал-әрекетін жасады. Алаң иелерінің бұл талпынысы өз жемісін берді. 71-минутта Баокен мергендік танытса, 85 және 87-минуттарда Әбубакар қатарынан екі рет нысананы дәл көздеді. Есеп – 3:3.
Негізгі уақыт тең аяқталғаннан кейін қосымша уақыт белгіленді. Бірақ одан ештеңе өзгерген жоқ. Ал пенальти соғу барысында Камерун құрамасының бағы жанып, олар қола медаль иегері атанды. Есеп – 5:3.
