Топтық кезеңнің соңғы кездесуінде «Қайрат» Италияның «Пезаро» командасымен кездесті. Ойын алматылықтар үшін оңай болған жоқ. Матчтың алтыншы минутында италиялықтар есеп ашып, «Қайрат» футболшыларын састырды. Алайда кездесудің он сегізінші және жиырма сегізінші минутында Дәурен Тұрсағұлов өз мүмкіндіктерін мүлт жібермей дубль авторы атанып, командасын жеңіске жетеледі. Әйткенмен отыз бесінші минутта «Пезаро» жігіттері таразы басын теңестіріп кетті. Алайда арада аз ғана секунд өткенде Диего Фаверо мергендігімен көзге түсіп, «Қайратқа» жеңіс сыйлады. Қорытынды есеп 2:3. «Қайраттың» пайдасында.
Бұл жеңістен соң «Қайрат» командасы чемпиондар лигасының элиталық кезеңіне жолдама алды.
