Елорда • 13 Қазан, 2021

Елордадағы орталық стадион апаттық жағдайда тұр

470 рет

көрсетілді

1 мин

оқу үшін

Нұр-Сұлтандағы Қажымұқан Мұңайтпасов атындағы орталық стадион апаттық жағдайда деп танылды. Ғимарат пен трибуна толық қиратылып, орнына жаңа кешен салынады. Бұл ақпаратты қалалық әкімдіктің баспасөз қызметі растады, деп хабарлайды Egemen.kz.

Гауһар ҚАПАШ

Елордадағы орталық стадион апаттық жағдайда тұр

Биыл стадионның салынғанына 85 жыл. Спорт кешені 1936 жылы ашылған. Бұған дейін атауы сегіз рет ауысып, 1986 жылы Мұңайтпасов есімі берілген. Стадионға 12 250 көрермен сияды.

Нұр-Сұлтанның әкімдік өкілдерінің мәліметінше, 2020 жылы маусымда стадион апаттық жағдайда деп танылған.

«Мұңайтпасов атындағы орталық стадион апатты деп танылғандықтан, бүгінде жобалау-іздестіру жұмыстары жүргізіліп жатыр. Спорт кешені эскиздік жобаны әзірлеу сатысында», деді әкімдік баспасөз қызметінің өкілдері.

Әкімдік өкілдері бұл жай жөндеу жұмысы немесе реконструкция емес екенін айтады. Ғимарат пен трибуна толығымен бұзылып, орнына жаңа стадион салынады.