Дегенмен, жетістікке жету дегеніміз не? Көп ақша, әдемі үй, қымбат киім, саяхат, соңғы үлгіде шыққан көлік т.с. сияқты сыртқы белгілер арқылы мақтану ма? Теледидардан жиі-жиі көрініп, сұхбат беру ме, газет-журнал, интернет басылым беттерінен түспеу ме, «атың шықпаса, жер өрте» деп қандай жолмен болса да жұрт аузында жүру ме, инстаграммда көп қолдаушы жинау ма, әлде өз ісінің кәсіби маманы болып, тыныш қана жұмысын істеп, айналасын жақсартумен, өзін-өзі дамытумен, білімін жетілдірумен айналысу ма?
Дүние жүзінде жетістікке жетуге арналған миллиондаған кітаптың мыңдағаны шынымен танымал болар, ал біздің қолымызға тигені жүзден асса, оқығанымыз одан да аз шығар. Дегенмен, осы кітаптарда айтылып жатқан ойлар мен берілген анықтамалар, келтірілген түсініктемелер мен іскер адамдардың тәжірибелерінен аларымыз да, үйренеріміз де көп. Десе де менің жүрегіме Альберт Эйнштейннің «Жетістікке жетуге ұмтылма, пайдалы болуға тырыс» деген сөздері жақын. Қазіргі кезде жетістіктің өлшемі танымал болып, көпшіліктің аузынан түспеу болса да, оның басқа жағын да ұмытпайық. Жұртқа, елге, айналаға пайдалы іс жасау маңыздырақ екенін балаларымыздың бойына сіңіру қажеттігін жадымызда ұстайық.
Жапон елі шай рәсімімен танымал, ол ХVI ғасырда шай рәсімінің шебері Сенно Рикюдің арқасында талғампаздықтың шыңына жеткен делінеді. Сенно Рикю «жетістіктің құпиясы – шынайылықта», яғни барлығы табиғи, шынайы көрініп, оны істеуге кеткен жұмыс сырт көзден таса болуы керек деген ой айтады. Сенно Рикю туралы оқығанда, оның сұлулық пен әсемдікке деген көзқарасы және оны айналадағы заттар мен адам ісінен көре білуі маған қатты әсер етті. Бірде Рикю баласымен танысының үйіне шай рәсіміне келе жатады. Баласы келген үйдің әдемі ескі қақпасы үйге оқшаулық пен әсемдік беріп тұрғанын айтады. Бірақ әкесі: «Мен олай ойламаймын. Бір қарағаннан бұл қақпаны алыстан, таудағы ғибадатханадан әкелгені түсінікті, оны әкелуге көп ақша жұмсалған. Егер үй иесі қақпаны орнатуға сонша күш жұмсаса, бұл оның шай рәсіміне де әсер етпей қоймағаны» дейді. Шынымен де, қонақтар шай рәсімінде ұзақ отыра алмайды, өйткені үй иелері қанша тырысқанымен қиналысы мен бейнетін жасыра алмайды. Тағы бірде танысының үйінде шай рәсімінде отырған Рикю үй иесінің бақшаға шығып ағаштан лимонды кесіп алып келгенін көреді. Ол үй иесі лимонның хош иісі әкелген шайды безендіре түседі деп ойлап, ырықсыз бақшаға баруға итермеледі деп ойлайды. Бұл тосын әрекеттің табиғилығы Рикюге тартымды болып көрінеді. Бірақ үй иесі лимонды соңынан күріш тортына қосып әкеледі. Осыдан Рикю бұның бәрі алдын-ала жоспарланғанын түсінеді. Үй иесі барынша өзінің талғампаздығын көрсетуге тырысқаны түсінікті болады. Осыны түсінген Рикю тортты жеуден сыпайы бас тартып, үйіне қайтып кетеді.
Әрине, жоғарыда келтірілген мысалға «Әр елдің салты басқа, иті қара қасқа» дерсіздер, біздің танымымызға сай емес болар. Десе де адамзатқа тән адамгершілік құндылықтар бәрімізге ортақ, сондықтан мамандардың кеңесіне сүйеніп, барлық халықтарға сай келетін жетістікке жетуге бастайтын кеңестердің ең бастыларын санамалап көрейік:
1. Мақсатты анық қою, басымдылықтарды белгілеу;
2. Ісіңе жауапкершілікпен қарау;
3. Өзіңнің және өзгенің уақытын бағалау;
4. Ұқыптылық, жұмысты уақытында орындау;
5. Әдемі сөйлеу, ойыңды жинақы, дәлелдермен жеткізе білу;
6. Таза және ұқыпты киіну;
7. Денсаулыққа көңіл бөлу, дұрыс тамақтану, спортпен шұғылдану;
8. Қателік жасаудан қорықпау.
Жетістікке жеткісі келген адамның жұмысын нәтижесімен, тиімділігімен бағалап жатады. Бірақ адам робот та, өндірістік машина да емес, сондықтан оның әртүрлі себептермен көңіл-күйінің түсуіне байланысты шаршауға, қателесуге, селқостық, енжарлық танытуға, күйгелектікке, өзіне деген сенімсіздікке бой алдыруына құқы бар. Дегенмен, әр адамның мақсаты анық, ойы нақты болса, өз миссиясын, не үшін өмір сүріп жатқанын ертерек анықтап алса жүрегінде мейірім, ісінде береке, өмірінде тыныштық пен бақыт болады.
Ал мен шынайы өмірдің өзі берген сабағынан өзіме мынадай шағын ереже жасап алдым: «Ешқашан біреу келіп көмектеседі деп үміттенбе, бірге барамыз ғой деп күтпе, біреумен бірігіп жұмыс істеймін деп алданба, ешкімнен ешқашан ешнәрсе күтпе. Қажет нәрсенің бәрін өзің жаса. Мүмкін болса қасыңа дос-жаран, әріптес, мақсаттас адамдарды жина, бір мақсатқа жұмылып жұмыс істеп көр. Нәтижесі болмаса, ешкімге ренжіме». Жетістікке жетудің басқа жолы жоқ.
Қазіргі заманда дүние есігін ашқан әр сәби жетістікке жетемін, танымал боламын деп келетін тәрізді. Оған бар жағдай жасалған: бұқаралық ақпарат құралдары, теледидар, интернет желісі, тоқтаусыз жүріп жатқан жарнама. Жетістікке жету, танымал болудың қыр-сыры неде? Неден бастау керек, қандай жолмен жүру керек, жоспарың анық па, қандай кітаптарды оқисың, кіммен дос боласың, айналаңда кім бар, осы және бұдан да басқа сансыз сұрақ алдыңда тұрары анық және оның бәрі адамға әсер етпей қоймайды, әрине.
Ортақ әліпби жөніндегі комиссияның екінші отырысы өтті
Қазақстан • Кеше
Цифрлық даму министрлігіне жаңа басшы тағайындалды
Тағайындау • Кеше
Қазақстанда Ұлттық кітап күні пайда болады
Қазақстан • Кеше
Жыл басынан бері 514 зорлық-зомбылық әрекеті тіркелген
Аймақтар • Кеше
Aбай университетінде ашық есік күні өтті
Университет • Кеше
Мереке күндері ауа райы жылынады
Ауа райы • Кеше
Шекарашы сарбаздар ант қабылдады
Айбын • Кеше
Бишімбаев пен Байжанов соттағы соңғы сөзін айтты
Қоғам • Кеше
Әскеріміз түрлі қатерге сақадай сай тұруға тиіс - Президент
Президент • Кеше
Мемлекет басшысы әскерилерге арнаулы атақ пен шен берді
Президент • Кеше
ҰБТ-2024: Өтініш қабылдау басталды
Білім • Кеше
Астаналық екі балуан Азия чемпионы атанды
Спорт • Кеше
Қазақстанда қанша ер мұғалім бар?
Қазақстан • Кеше
Алматы облысы Кеген ауданында жер сілкінісі сезілді
Аймақтар • Кеше
Жайықтың су деңгейі Тайпақ ауылы тұсында қауіпті межеден асты
Аймақтар • Кеше
Жеңіс күніне орай безендірілген пойыз жолға шықты
Қоғам • Кеше
Танымал әнші 21 отбасыға баспана сыйламақ
Өнер • 05 Мамыр, 2024
Қазақстанда МӘМС жүйесі өзгереді
Денсаулық • 05 Мамыр, 2024
Еліміздің 17 өңірінде қолайсыз ауа райына байланысты ескерту жасалды
Ауа райы • 05 Мамыр, 2024
Бәріңізге түсінікті болу үшін...
Қоғам • 05 Мамыр, 2024
Жайық өзеніндегі су қауіпті деңгейден асты
Аймақтар • 05 Мамыр, 2024
Бразилияда 50-ден астам адам су тасқынынан қайтыс болды
Әлем • 05 Мамыр, 2024
Соғыс ардагерлеріне 9 мамырға орай біржолғы әлеуметтік көмек төленді
Үкімет • 05 Мамыр, 2024
Қазақстан спортшылары әртістік жүзуден әлем кубогының жеңімпазы атанды
Спорт • 05 Мамыр, 2024
Қазақстанның үш азаматы терроризмді насихаттады деген күдікпен ұсталды
Қоғам • 05 Мамыр, 2024
Президент православ қауымын Пасха мерекесімен құттықтады
Президент • 05 Мамыр, 2024
Бұршақ жауып, үсік жүреді: 5 мамырға арналған ауа райы болжамы жарияланды
Ауа райы • 05 Мамыр, 2024
Ақмола облысы полициясының лауазымды қызметкері мас күйінде ұсталды
Заң • 05 Мамыр, 2024
Әкемнің кім екенін білгенде, таңғалдым: Мейрамбек Беспаев ата-анасы туралы сыр шертті
Өнер • 04 Мамыр, 2024
Қазақстан-Қатар арасындағы тауар айналымы 50%-ға артты
Экономика • 04 Мамыр, 2024
Қазақстанда Орман қорын күзету және қорғау қызметі құрылды
Табиғат • 04 Мамыр, 2024
Биылғы су тасқынынан қанша мектеп ғимараты зақымданды?
Қоғам • 04 Мамыр, 2024
Аймақтар • 04 Мамыр, 2024