Леффлер Головкиннің жоспары туралы айтты

WBA (Super), IBO, WBC және IBF тұжырымдары бойынша орта салмақтағы әлем чемпионы Геннадий Головкин (36-0, 33 КО) келер жылы польшалық боксшы Мацей Сулецкимен жұдырықтасуы мүмкін. Бұл туралы қазақстандық боксшының промоутері Том Леффлер ringpolska.pl басылымына берген сұхбатында айтты, деп хабарлады vesti.kz. Сұхбат барысында промоутер Головкинмен қашаннан бері жұмыс істеп келе жатқанын және Головкиннің алдағы жоспарлары туралы мәлімдеді «Головкинмен алтыншы жыл бірге жұмыс істеп келемін. Осы уақыт аралағында 15 кездесуін өткізді. Қазіргі уақытта оның бокстан қашан кететіні жөнінде сұрақтар жиі қойылады. GGG-дің басты мақсаты – орта салмақтағы барлық чемпиондық белбеулердіің басын біріктіру. Әзірге оның еншісінде Бүкіләлемдік бокс ұйымының үш чемпиондық белбеуі бар. Енді төртіншісін жеңіп алу керек. Қазір Головкин сол үшін дайындалып жүр. Бокстан кететін ойы жоқ», – деді Леффлер. «Биылға жоспарымызды құрып қойғанбыз. Дэниел Джейкобсты ұтқан жағдайда кіші Чавесті немесе Сауль Альваресті жекпе-жекке шақырып көреміз. Сонымен қатар, 2018 жылы полшалық Мацей Сулецкимен жұдырықтасуымыз мүмкін. Бұл кездесуді де «Madison Square Garden» аренасында өткізсек дейміз. Бұл кештің андеркартына Александр Усик пен Кшиштоф Гловацки арасындағы кездесуді де қосуымыз ойда бар», – дейді промоутер. Айта кетейік, 27 жастағы поляк боксшысы Мацей Сулецки осы уақытқа дейін кәсіпқой бокста 23 кездесу өткізіп, оның 8-де қарсыласын нокаутқа түсірген.