«ҚазАзот» жаңа стансаны іске қосты

Ақтаудағы «ҚазАзот» ЖШС елі­мізде азотты минералды тың­айт­­қыштардың 90%-ын өнді­ретін ірі кәсіпорын болуымен ерекшеленеді. Кәсіпорынның еліміздің индустрияландыру бағ­дар­ламасы мен отандық тауар­ларды сыртқы нарыққа шығару бағы­тындағы үлесі де зор. Өндір­ген өнімінің ма­ңыз­ды­лығына орай «ҚазАзот» кәсіп­орнында жаң­ғырту, жұмыс қарқын­дылы­ғын арт­тыру мақ­сатын­дағы жұ­мыстар ал­дыңғы ке­зекке қойыл­ған. 2012-2014 жыл­дары үде­мелі индус­трия­лық-инно­ва­циялық дамудың мем­лекеттік бағ­дарламасы аясында кәсіп­орын мен цехтарды жа­ңарту жұ­мыстары жүргізіліп, «Ша­ғыр­лы-Шөмішті» газ өңдеу кен орны­ның жобасы сәтті жүзеге асырыл­ды. Былтыр табиғи газды өнеркә­сіптік жолмен өндіру бас­тал­­ды. Биыл кәсіпорында газды-пор­­шенді электр стансасы іске қосылды. – 2015-2019 жылдарға арналған Ин­дус­трияландыру картасына тех­нологияларды жаңғырту бойынша «ҚазАзот» ЖШС жобасы кірген болатын. Ол 3 кезеңнен тұрады, соның бірі – газды-пор­шенді электр стансасын іске қосу. Аймақ үшін бұл жаңа жұмыс орындарының ашылуы, экономиканы әртараптандыру, индустрияландыру мен облыстың экспортты әлеуетін дамыту болып табылады, – деді өңір басшысы А.Айдарбаев. Жұмысы қауырт бола тұра, бұған дейін қуат көзін өзге мекемеден алып келген кәсіпорын енді электр қуатына қатысты тә­уел­ділігін жойды, демек шы­ғын азайып, есесіне жұмыс қуат­­ты­лығы арта түсетін болады. Станса­ның құрылыс жұмыстарын белгілен­ген мерзімде аяқтаған ресей­лік «Звезда-энергетика» АҚ-тың бас дирек­торы А.Андреев қуатты­лы­ғы мен техникалық жағынан толық қамтылған жобаның заманауи стандарттарға сай екендігін айтты. Гүлайым ШЫНТЕМІРҚЫЗЫ, «Егемен Қазақстан» Маңғыстау облысы Суретті түсірген Серік МАЙЕМЕРОВ