«Қазақмыс корпорациясы» басқару кеңесіне бас директор тағайындалды

Бүгін «Қазақмыс корпорациясы» ЖШС мүшелерінің кезектен тыс жалпы жиналысында корпорацияның директорлар кеңесінің атқару комитетінің атын «Қазақмыс корпорациясы» ЖШС кеңес басқарушысы деп өзгерту туралы шешім қабылданды, деп хабарлады ҚазАқпарат. Қырықпышев Бақтияр Әбірахманұлы «Қазақмыс корпорациясы» ЖШС бірінші басшысы, басқару кеңесінің бас директоры болып тағайындалды.  Онымен бірге корпорацияның басқару кеңесіне бес топ-менеджер жатады. Атқару комитетінің өкілдігінің мерзімі үш жыл болады. Огай Эдуард Викторұлы «Қазақмыс Холдинг» ЖШС директорлар  кеңесінің төрағасы, Қазақмыс компаниясы тобындағы компания басқарушысы болып қала береді. Қазақмыс корпорациясы – Қазақстандағы пайдалы қазбаларды өндіру және өңдеу  жұмыстарын жүргізудегі алдыңғы қатардағы компания. Сонымен бірге, еліміздегі мыс  өндіру алыбы. Компания құрамында он бір кеніш, төрт кен байыту фабрикасы бар. Қазақмыс корпорациясы кен өндіру орындары мен оны сату деңгейіне дейін жеткізетін өндіріс орындарын басқарады. 2016 жылы катодтық эквивалентте 225,657 мың тонна мыс және 2325 кг сом алтын өндірілді. Қазақмыс дүние жүзінде күміс өндіруден алдыңғы  қатардағы өндіріс ошағы. 2016 жылы 249,6 тонна аффинирленген таза күміс өндірілді. Корпорация құрамында 36 мыңнан астам адам еңбек етеді.