Міндеттер мінсіз атқарылуы тиіс

Үстіміздегі жылдың 31 қаңтарында Мемлекет басшысы Қазақстан халқына жыл сайынғы Жолдауын жариялады және сол арқылы эко­но­ми­калық өсудің жаңа мо­делін құруды көздейтін Қазақстанның үшінші жаң­ғыруын іске асыруды қамта­масыз ету міндетін қойды. Үкіметтің қаржы-эко­но­ми­калық бөлігі үшін аталған мін­детті шешудің бірден-бір жолы, бюджет қаражатының пай­да­ла­ны­луына сараптама жүр­гізу, әсі­ресе, әлеуметтік секторда бюд­жет шығыстарының тиімділігін арттыру және құрылымдық рефор­маларды қолдау мақ­сатында, бюджеттік сая­сат­ты қайта қарау болып табылады. Мемлекет басшы­сы­ның тапсырмаларын орындау мақ­сатында Есеп коми­теті мен Үкі­мет тиімді емес бағ­­дар­­ла­ма­ларды анық­тау және атал­­ған қаражатты тиім­ді және Үшінші жаң­­ғырудың міндет­терін іске асыруды қамта­масыз ететін шараларға қайта бөлу бойынша жұмыстар жүргізетін болады. Аталған жұмыстың нәтижелері 2018-2020 жылдарға арналған рес­пуб­ли­ка­лық бюджет жобасында көрініс таппақ. Жалпы, еліміздің бюджеті транс­­­па­­рент­­­тілік қағидасына сүйе­­не­­тіндігін, ашық және мінсіз екен­дігін атап өту қажет. Сонымен бірге, Мемлекет бас­шы­сы Эко­номикалық ынты­мақ­тастық және даму ұйымының Үкіметке сенім біл­діру, бюджеттің ашық­ты­ғы­на ықпал ету және қабыл­данған шешімдердің мөл­дір­­лігін қам­тамасыз етуге қатысты ұсыныс­та­рын іск­е асыру арқылы аталған бағытта жұ­мысты күшейту қажеттілігін атап өтті. Азаматтық бюджеттің ақ­па­рат­тық құрамдасын қосымша күшейту және арттыру бойынша жұмыс жүргізілетін болады. Қаржы министрлігі Мемлекет басшысы белгілеп берген нақты көрсет­кіштер мен мақсаттары бар 5 басым­дықтар арқылы стра­те­гиялық жоспарлау мен еліміздің қаржы ресурстарын ұштастыруды қамтамасыз ете бермек. Осы ұштастыру алдыңғы үш­жыл­дық бюджетті қалыптастыру шең­берінде және болашақ перс­пек­тивада да үнемі бақылауда тұра­тын болады. Татьяна САВЕЛЬЕВА, Қазақстан Республикасы Қаржы вице-министрі