«Реалдың» бұрынғы футболшысы Қазақстанда ойнауы мүмкін

Испанияның әйгілі «Реал» командасында өнер көрсеткен франциялық қорғаушы Жюльен Фобер мансабын Қазақстан премьер-лигасында жалғастыруы мүмкін. Бұл туралы vesti.kz хабарлады. «Кардифф Сити» клубының спорт директоры Алишер Апсалямовтың айтуынша, 33 жастағы франциялық қорғаушы «Алтай» ұжымына ауысуға жақын. «Қазіргі уақытта Жюльен Фобердің трансфері бойынша айналысып жатырмыз. Ол Францияда, Англияда 200-ден астам ойынға қатысқан. Әйгілі Мадридтің «Реалында» да өнер көрсеткен. Шыны керек, ендігі кезекте Қазақстан премьер-лигасындағы «Алтай» клубында бақ сынап көргісі келеді. Бірақ әзірге келіссөздер жайлы толықтай айта алмаймын», – деді Апсалямов. Айта кетейік, испаниялық клуб Фоберді «Вэст Хэмнен» 2009 жылдың қаңтар айында 1,5 миллион еуроға жалға алған. Сонымен қатар, ол Францияның «Канн», «Бордо», Түркияның «Елязыгспор» клбутарында ойнаған.