Премьер-Министр Кәрім Мәсімов Бүкіләлемдік банктің Еуропа және Орталық Азия бойынша стратегиялық және операциялық департаментінің директоры Теодор Алерспен және осы банктің Орталық Азия елдері бойынша директоры Мотоо Конишимен кездесті.
Кездесуде ел экономикасын дағдарыстан кейін дамыту мәселелері жөнінде пікір алмасылып, Қазақстан Республикасы мен Бүкіләлемдік банктің стратегиялық әріптестігінің жаңа бағыттары талқыланды.
Сондай-ақ осы күні К.Мәсімов «Citi» банктің СЕЕМЕ өңіріндегі бас атқарушы директоры Альберто Вермемен кездесті.
Әңгіме барысында халықаралық рыноктағы ағымдағы жағдай туралы пікір алмасылып, Қазақстанда «халықтық ІРО» өткізу, сондай-ақ халықаралық капитал рыногына шығуда қазақстандық компаниялар мен банктерге ықпал ету мәселелері талқыланды.
«Егемен-ақпарат».