Қоғам • 26 Желтоқсан, 2023
Істі қазақша жүргізуді талап етсек...
Еліміздің Азаматтық іс жүргізу кодексінде де, Қылмыстық іс жүргізу кодексінде де сот iсi қазақ тілінде жүргiзiлетіндігі, сондай-ақ қазақ тілімен қатар ресми түрде орыс тілі, ал қажет болған кезде басқа тiлдер де қолданылатындығы атап көрсетілген. Алайда солтүстік өңірлердің соттарында мемлекеттік тілде қаралған азаматтық және қылмыстық істер жоқтың қасы.
Халық • 14 Желтоқсан, 2023
Теріскей тұтастығы – елдің мүддесі
Президент Қасым-Жомарт Тоқаев «Тәуелсіздік бәрінен қымбат» мақаласында: «Біз еңбек күші көп оңтүстік өңір тұрғындарының солтүстік және шығыс аймақтарға қоныстануына қолайлы жағдай жасап, осы жұмысты назарда ұстаймыз. Бұл – өте өзекті әрі еліміздің қауіпсіздігіне қатысты мәселе. Бұған қоса кейінгі жылдарда түрлі себептерге байланысты бәсеңдеп қалған қандастар көшін барынша қолдап, оларды жоғарыда айтылған өңірлерге орналастыруды жандандырамыз. Бұл екі мәселенің де стратегиялық маңызы бар», деп жазды.
Құқық • 06 Желтоқсан, 2023
Мемлекет басшысы Қасым-Жомарт Тоқаевтың тапсырмасына сәйкес елдегі мал ұрлығына қарсы күресті күшейту мақсатында 2019 жылы 27 желтоқсанда Қылмыстық кодекс 188-1 баппен толықтырылып, біреудің малын жасырын жымқырғаны үшін кесілетін жаза айтарлықтай қатаңдатылғаны мәлім. Бұл заңнамалық шара өз нәтижесін беріп отыр.
Сұхбат • 29 Қараша, 2023
KASE: 30 жылдың жетістік тарихы
Теңгенің мерейтойынан екі күн өткен соң Қазақстан қор биржасы (KASE) да өзінің отыз жылдығын атап өтті. Бұл – тіпті де рәмізді емес, заңды сәйкестік. Себебі KASE биржасының іске кірісуімен ұлттық валютамыз толыққанды төлем құралына айналып, еліміздің қаржылық және экономикалық егемендігін қамтамасыз етті. Қазіргі таңда KASE посткеңестік кеңістіктегі биржалар арасында бағалы қағаздармен сауда-саттық көлемі бойынша 2-орынды, ал FEAS – Еуро-азия қор биржалары федерациясының акциялар нарығын капиталдандыру көлемі бойынша 4-орынды еншілеп отыр. KASE басқарма төрағасы Алина Алдамбергенмен Биржаның өткен жолы жайында ғана емес, оның егемен Қазақстанның ұлттық экономикасын дамытудағы рөлі туралы да әңгіме қозғауды жөн көрдік.
Қаржы • 28 Қараша, 2023
Президент Қасым-Жомарт Тоқаев биылғы «Әділетті Қазақстанның экономикалық бағдары» Жолдауында Қазақстанның стратегиялық мақсаты – Еуразия құрлығындағы басты аграрлық орталықтың біріне айналу екенін атап айтты. Осыған орай, Мемлекет басшысы жақында Ауыл шаруашылығы министрі Айдарбек Сапаровты қабылдап, оған саланы 5 жыл ішінде дамудың жаңа белесіне шығарып, жалпы өнімінің көлемін 2 есе арттыру міндетін жүктеді.
Қоғам • 22 Қараша, 2023
Ұлттық санақ: Сыры терең цифрлар
Биылғы 14 қарашада Қазақстан халқының саны 20 миллион адамға жетіп, бөркімізді аспанға ата қуанып жатқан жайымыз бар. Себебі республика тұрғындарының саны 1989 жылғы халық санағы бойынша 16,4 млн-нан асқанымен, 1999 жылғы халық санағы бойынша 14,9 млн адамға дейін азайып кеткен болатын.
Тағзым • 20 Қараша, 2023
Қазақтың ардақ тұтқан арысы еді
Кеше Ресейдің Кемер өңірінен жеткен суық хабар иісі қазақтың қабырғасын қайыстырғаны кәміл. Тарихи Отанынан жырақта жүрсе де, ұлтының атын шығарып, халқымыздың ыстық ықыласына ие болған арыс азамат Амангелді Молдағазыұлы Төлеев келместің кемесіне мінгеніне көңіл сенер емес.
Саясат • 16 Қараша, 2023
Былтырғы қасіретті қаңтар қоғамымызды дүр сілкіндіріп, тәуелсіздік жылдарында тындырылған істерді сыни тұрғыдан қайта бағалауға түрткі болды. Сондықтан да Мемлекет басшысы Қасым-Жомарт Тоқаев кейінгі жылдары еліміздің дамуына кедергі келтірген суперпрезиденттік билік жүйесінен өз еркімен бас тартып, «Күшті Президент – ықпалды Парламент – есеп беретін Үкімет» формуласын және Әділетті Қазақстан құру идеясын ұсынды. Ал 2022 жылғы 1 қыркүйекте жариялаған «Әділетті мемлекет. Біртұтас ұлт. Берекелі қоғам» Жолдауында: «Мен биылғы күзде кезектен тыс Президент сайлауын өткізуді ұсынамын. Әділетті Қазақстанды құру жолында түбегейлі және жан-жақты реформаларды табысты жүзеге асыру үшін халықтың жаңа сенім мандаты қажет», деп мәлімдеді.
Тұлға • 14 Қараша, 2023
Ел мүддесін қара басының қамынан жоғары қойып, шырқыраған шындық пен аяққа басылған әділдікті қызғыштай қорғап, қолындағы қаламын қару етіп ұстанып өткен әріптестеріміз аз емес. Олардың ішінде, әсіресе көзі тірі болса бүгін 80 жасқа келетін ақмылтық журналист Мәлік Мұқановтың орны тым ойсырап тұрғаны анық.
Қоғам • 06 Қараша, 2023
Ұлы миссиямыз – ұлттық мемлекет орнату
Ұлттық статистика бюросы жақында жариялаған 2021 жылғы Ұлттық санақтың қорытындысы бойынша еліміздегі қазақтардың саны 13,4 млн адамды құрап, республика халқының 70,4 пайызына жеткен. «Қазақ КСР-інің Мемлекеттік егемендігі туралы» декларация қабылданған 1990 жылы ұлтымыздың саны 6 млн 534 мың ғана, ал ел халқының құрамындағы үлесі небәрі 39,69 пайыз болғанын ескерсек, бөркімізді аспанға атып қуанарлықтай жайымыз бар.
