Экономика • 14 Тамыз, 2025
Технологиялық ізденіс терең өңдеуді дамытады
Өңір экономикасының алтын діңгегі – өңдеу өнеркәсібі. Аталған саланың үлесі облыста шығатын жалпы өнімнің 66%-ын құрайды. Оның жартысынан көбін машина жасау саласы (54%), тамақ өнеркәсібі (22%), металлургия (18%) алады. Ауыл шаруашылығына қолайлы, топырағы құнарлы 10 млн гектардан аса жері бар байтақ өлке бұған дейін жыл сайын 4 млн гектардан астам алқапқа дән егіп келген. Биыл көктемгі егістік көлемі 5 млн 121,9 гектарға жетті.
Абай • 13 Тамыз, 2025
Өңірде Абай Құнанбайұлының 180 жылдығына арналған мерекелік іс-шаралар көптеп өтіп жатыр. Соның бірі – Қостанайдағы Жастар сарайында болған «Абай аманаты» атты әдеби-сазды танымдық кеш.
Аймақтар • 09 Тамыз, 2025
Қостанайдағы Жастар сарайында Құрылысшылар күніне арналған салтанатты жиын өтті. Іс-шараға облыс әкімінің орынбасары Берік Таңжарықов, құрылыс компанияларының өкілдері, жол салушы мамандар, ардагер құрылысшылар, құрылыс колледждерінің ұстаздары мен жас жұмысшылар қатысты.
Аймақтар • 09 Тамыз, 2025
Жаһандық рекордтар кітабына енді
Амангелді ауданындағы «Торғай тәжі» туристік кешенінде орналасқан «Ұлт жады» қабырғасы «Global Book of Records» кітабына енді. Ені – 35, биіктігі – шамамен 4 метрдей болатын мемориалдық нысанға қазақ қауымына қастерлі 248 тарихи тұлғаның есімі жазылған ескерткіш тақта ілінген. 200 тақтаның астындағы ұяшықта әлемнің 35 елінен арнайы әкелінген ұлы бабаларымыздың сүйек топырағы жатыр.
Экономика • 05 Тамыз, 2025
Агроөнеркәсібі қуатты Қостанай
Дәнді даласымен даңқы шыққан Меңдіқара өңірінде Қостанай облысының ауыл шаруашылығы жетістіктері мен техника қуатын жария еткен халықаралық көрме өтті. «Jańa Dala-Qarqyn 2025» деп аталған ауқымды іс-шараға 20 шақты елден 500-ден астам агротехника сатушылар, халықаралық бидай саудасымен айналысатын компаниялар, диірмендер, элеваторлар, логистикалық компаниялардың, ғылыми институттардың өкілдері, алыс-жақыннан келген ірі шаруашылықтар, фермерлер қатысып, өзара сауда-саттық, ынтымақтастық жөнінде келісімшарт жасасты.
Өндіріс • 01 Тамыз, 2025
КІА зауыты жылына 70 мың автокөлік шығарады
Қостанайдағы КІА зауытының құрылысы таяуда толық аяқталады. Қазірдің өзінде өндіріс құрылғыларының дені орнында, желілер жұмыс істеп тұр. Желіден жаңа шыққан жиырма шақты көлікті шетелдік мамандар зертханада жан-жақты тексеріп, сынақтан өткізеді. Бәрі ойдағыдай болып жатса, КІА қазан айында толық өндірісін бастайды.
Баға • 31 Шілде, 2025
Ақылы жол азық-түлік бағасына әсер ете ме?
Өңірде ақылы жол әлеуметтік маңызы бар тауардың өзіндік құнына қалай ықпал етеді деген мәселені зерттейтін қанатқақты жоба бастау алды. Кәсіпкерлер палатасының мәліметінше, мұндай мониторинг өткізуге бизнес өкілдері тарапынан келіп түсіп жатқан шағымның жиілеп кетуі түрткі болған. Құзырлы орынға биылдың өзінде 15-ке жуық кәсіпорын шағымданыпты.
Тағзым • 31 Шілде, 2025
Қостанайдағы Сырбай Мәуленов атындағы мектеп-гимназияда көрнекті ақынға арналған мемориалдық тақта орнатылды. Іс-шара барысында ақын, драматург Ақылбек Шаяхмет Сырағаңның Қостанайда қызмет еткен кезеңдерінен сыр шертсе, ақынның ұлы, заң ғылымдарының докторы Қасым Сырбайұлы мектеп ұжымына, шәкірттерге табыс тілеп, ризашылық білдірді.
Өндіріс • 29 Шілде, 2025
Жергілікті өнімге сұраныс жоғары
Өңірде өнімін алаулатып-жалаулатып жарнамаламай-ақ, байыпты жұмыс істеп жатқан кәсіпорындар баршылық. Өйткені мұндай өндіріс орындарынан шығатын өнімге деген сұраныс қашанда жоғары. Мысалы, Қостанай агромеханикалық зауыты топырақ өңдеу, тұқым, астық, шөп тасу жұмыстарында жүрген техникаға қажет аспалы және тіркемелі агрегаттар мен олардың ұсақ бөлшектерін шығарады.
Жоба • 26 Шілде, 2025
Көлік-логистика саласындағы іргелі жоба
Қостанайда ірі инфрақұрылымдық жобаның бірі – «Тобыл» көлік-логистикалық кешенінің құрылысы басталды. Өңір өнеркәсібінің экспорттық әлеуетін арттыру мақсатында қолға алынған халықаралық хаб қала аумағында орналасады, сондай-ақ келешекте Президент Қасым-Жомарт Тоқаев белгілеген транзиттік стратегияны жүзеге асырудың негізгі торабына айналмақ.
