Қоғам • 27 Қараша, 2023
«Amanat» партиясының экология мәселесіне айрықша ден қойып, көңіл бөлуінің нәтижесінде Алматы облысында бірқатар игі іс атқарылып келеді. Қоршаған ортаны қорғау мақсатында жергілікті полиция, экология департаменттерімен бірлескен рейдтер жүргізіліп, өндірістегі экологиялық бастамалар күшейтілген. Партияның сайлауалды бағдарламасына сәйкес 2027 жылға дейін өңірде 337 шақырым туристік соқпақ пен маршрут жүргізіледі.
Өнер • 27 Қараша, 2023
Тау-тасы мен даласында сан ғасырлық тарихтың сыры тұнған Алматы облысында 1683 жылы болған әйгілі Қарадала шайқасының тарихи қойылымы көрсетілді. Іс-шара Ақтабан шұбырынды, алқакөл сұлама қасіретінің 300 жылдығын еске алуға орай ұйымдастырылды.
Кітапхана • 24 Қараша, 2023
Кітапханашылар мұңын еститін жан бар ма?
Есік қаласының көркем табиғатына көз тоймасы анық. Шыңдары көк тіреген асқақ Алатаудың саф ауасы жансарайды сергітіп, сылдырап аққан тау өзені қиялға қанат бітіреді. Табиғаты тамылжыған өлкеде академик Әбдуәли Қайдар, сыршыл ақын Тұманбай Молдағалиев, көрнекті қаламгерлер Шәрбану Құмарова, Марат Тоқашбаев, Марат Ысқақов, Сағадат Сәлімбаев, ұста Дәркембай Шоқпарұлы, режиссер Талғат Теменов, одан бұрынғы жылдары суретші Айша Ғалымбаева, композитор Құддыс Қожамияров, тізбелей берсек Тұрлығазы Шаяхметұлы, Ахметжан Аширов, Хизмет Абдуллин сынды тұлғалардың кіндігі кесілген.
Қоғам • 24 Қараша, 2023
Күні кеше Іле ауданында жолаушылар мінген қоғамдық көлік жүргізушісінің жүрек талмасы ұстап қалып, оқыс оқиға орын алған еді.
Қоғам • 22 Қараша, 2023
Жуырда «Азаматтық бастамаларды қолдау орталығы» КЕАҚ гранты шеңберінде «Жас ұрпақ» жастар қоғамдық бірлестігінің «Жетісу ділмарлары пікірсайыс қозғалысы жобасы аясында» Жетісу облысы білім басқармасымен бірлесе ұйымдастырылған «Жаңа Қазақстанның болашағы – зерделі ұрпақ» атты республикалық пікірсайыс турнирінде бақ сынаған Алматы облысының пікір сайысшылары 3 лигада да жеңімпаздар қатарынан көрінді, деп хабарлайды Egemen.kz.
Көрме • 22 Қараша, 2023
Ұзынағаш ауылында орналасқан «Қамқорлық оңалту» орталығына еліміздің әр түкпірінен денсаулығында кінәраты бар балалар келіп, ем-шара қабылдайды. Олардың әрбірімен жеке-дара және топтар бойынша мамандар оңалту жұмыстарын жүргізеді. Емделуші балалардың таным көкжиегін кеңейтіп, көңілін серпілтуді мақсат еткен Сүйінбай Аронұлы әдеби-мемориалды музейінің қызметкерлері жуырда көшпелі көрме ұйымдастырды. Онда емделуші балалар ақиық ақын Сүйінбай аталарының мол мұраларымен танысты.
Аймақтар • 21 Қараша, 2023
Жолаушылар қауіпсіздігі – басты назарда
Қонаев қаласында халық саны көбейіп, қалааралық қарым-қатынас та жиілей түскен. Соған сәйкес облыс орталығында 10 бағытта 23 автобус жолаушылар тасымалымен айналысады. Жол жүру ақысы бүгінгі күнге 80 теңге, ал оқушылар мен студенттерге жеңілдік ретінде жарты бағасы, яғни 40 теңге болып бекітілген.
Еңбек • 17 Қараша, 2023
Экономикалық әлеуеті артқан Еңбекшіқазақ ауданының ауыл шаруашылығы – халықтың жұмыспен қамтылған ең ірі секторы және ауданның ең негізгі саласы болып табылады. Бұл салада қызмет көрсететін 10 580 ауыл шаруашылығы тауар өндірушілері тіркелген, яғни 10 117 жеке кәсіпкер мен шаруа қожалығы, 463 ауыл шаруашылығы құрылымы жұмыс істейді. Ауылшаруашылық мақсатындағы жер көлемі – 485,5 мың гектарды құрайды, оның ішінде егістік жер – 86,3 мың га, жайылымдық – 372,8 мың гектарды алып жатыр.
Футбол • 14 Қараша, 2023
Ауыл футболына демеуші табылды
Төрткүл дүниеге ортақ футбол ойыны ауыл балаларына таңсық емес. Аладоп аяққа ілінсе, қолдан қақпа жасап, екіге жарыла жарыса кету – үйреншікті әдіс. Жасыл алаң, жақсы доп болмаса да футболдан хабары бар әр бозбаланың көкейінде аты аңызға айналған Пеле, Марадонадан бастап, бүгінгі Роналду, Мессидің ойын өрнегі тұрары хақ.
Тарих • 13 Қараша, 2023
Жуырда Жамбылдың әдеби-мемориалды музейіне ұлы ақын туралы ең алғашқы жазбаша деректі («Терме» журналы, 1925 ж) хатқа түсіріп, оны баспасөз бетінде жариялаған белгілі ғалым Шамғали Сарыбаевтың немересі Майра Сарыбай келіп, 1958 жылы «Қазақ әдебиеті» газетінің №6 (163) санында жарық көрген «Жамбыл жайында тұңғыш дерек» атты мақаланың ксерокөшірмесі мен 1936 жылы Мәскеу қаласында түсірілген тарихи фотосуреттің (ақынның жанында Шара Жиенқұлова мен Күләш Байсейітова) түпнұсқасын табыстап, музей қорын біршама байыта түскендігі туралы аталған музейдің ғылыми қызметкері Рәтбек Терлікбаев хабардар етті.
