Қылмыс • 15 Наурыз, 2024
ІІМ-нің дерегінше, биыл республика бойынша 3 600-ден аса интернет-алаяқтық дерегі тіркелген. Киберқылмыстан азаматтарға 21 миллиард теңге шығын келген. Бұл өткен жылмен салыстырғанда 16,8 пайызға көп. Тіпті кейінгі жеті жылды есепке алсақ, 10 есеге өсіпті. Жоғарғы сотта белгісіз біреулердің нұсқауымен әрекет етіп, сан соғып қалған жәбірленушілердің ісі қаралды.
Әскер • 14 Наурыз, 2024
Сарбаз құрастырған роботтехника
Ақтаудағы сарбаздар қолда бар құралдардан жауынгерлік машина жасады. Осылайша, «Батыс» өңірлік қолбасшылығындағы теңіз жаяу әскерлері бригадасының мерзімді қызметтегі сарбаздары роботтехникадан машықтарын көрсетті.
Сенат • 13 Наурыз, 2024
Заң шығару қызметіндегі жасанды интеллект
Еліміздегі сарапшылар қауымдастығының және мемлекеттік органдардың өкілдері заң шығару қызметіне жасанды интеллектіні енгізу мәселелерін талқылап, осы саладағы бірлескен жұмыстың бағыттарына назар аударды. Аталған жиын кеше Сенат төрағасы Мәулен Әшімбаевтың қатысуымен Цифрлық даму, инновациялар және аэроғарыш өнеркәсібі министрлігінің ахуалдық орталығында өтті.
Жастар • 08 Наурыз, 2024
Қазақ жастары дүниежүзілік фестивальге қатысты. Ресейдің Сириус федералды аумағындағы ауқымды іс-шараға елімізден 300-ге тарта азамат барды. Әлемнің түкпір-түкпірінен жиылған белсенділер бір аптаға жуық уақытта ғылым саласындағы мамандар, саясаткерлер, кино және театр жұлдыздарымен кездесті.
Қоғам • 08 Наурыз, 2024
Биыл қаңтар және ақпан айларында жаңа туған қыз нәрестелерге Медина, Асылым, Айша есімдері жиі қойылыпты. Ұлттық статистика бюросының дерегінше, сәннен Айлин, Томирис, Сафия, Амина, Раяна, Аяла, Мәриям сынды аттар да түспепті. Мамандар 2023 жылды 2022 жылмен салыстырғанда осы үздік ондықтың еш өзгермегенін байқаған. Айтулы күнде айрықша нәзік есімдерге үңілдік.
Сұхбат • 08 Наурыз, 2024
«Мақсатым – ұшу шеберлігін шыңдау»
Өжеттігі, алғырлығымен аса жауапты әрі қиын істерді меңгерген қайсар қыздардың бірі – көк жүзінде ұшақты шебер қалқытып, штурвалда еркін отыратын Аяжан Байдүйсенова. Ол – Азаматтық авиация саласындағы санаулы жас ұшқыштардың бірі. Бүгінде 22 жастағы бойжеткен отандық әуе компаниялардың бірінде жұмыс істейді. Мерекеге орай қанатты арумен арнайы жүздесіп, сұхбат құрған едік.
Жастар • 05 Наурыз, 2024
Жастардың қаржылық сауаты қай деңгейде?
Қарызды несиемен жабу, азық-түлікті пайызсыз бөліп төлеумен сатып алу қалыпты жағдайға айналғалы қашан. Мұны қымбатшылық қысқан замандағы күнкөріс қамы деп ақтауға болатын шығар. Бірақ жұртқа еріп, кредитке кіріп, соңғы үлгідегі смартфон мен киім-кешекке дейін несие ресімдейтін жастар туралы не айтуға болады? Науқандық «жеңілдікке», әсіресе қалтасында көк тиыны болмаса да, көрпеге қарап көсілуді білмейтін жастар үйір. Салдарымен емес, себеппен күресу үшін жастардың бойында қаржылық сауатты қайтсек қалыптастыра аламыз?
Жастар • 04 Наурыз, 2024
Бүгінде жастардың мәдени-рухани кемелденуіне бағытталған орта көп. Соның бірі – «Jastar Talks» жобасы. Астана қаласы әкімдігінің «Астана жастары» Жастар ресурстық орталығы ұйымдастыратын алаң жасөспірімдер мен жастардың жеке және әлеуметтік дамуына жәрдемдеседі.
Қоғам • 04 Наурыз, 2024
Этностарды ұйыстырған «Birlik»
ТМД тарихында тұңғыш рет құрылған этностар мәдениеті мен өнерін насихаттайтын «Birlik» ансамблі тұсаукесер концертін өткізді. Шығармашылық ұжым алғашқы тартуын Алғыс айту күніне орай ұйымдастырды. Көрермен назарына түрлі этностың тыныс-тіршілігінен сыр шертетін жеке хореографиялық шығармалар мен аспаптық, вокалдық бас-аяғы 15 нөмір ұсынылды. Ән-би ұжымы Мәдениет және ақпарат министрлігінің қолдауымен Роза Бағланова атындағы «Қазақконцерт» мемлекеттік академиялық концерттік ұйымының жанынан құрылған.
Халық • 03 Наурыз, 2024
Елордадағы «Шарапат» әлеуметтік қызмет көрсету орталығында қайырымдылық акциясы өтті. Іс-шараға Қазақстан халқы Ассамблеясы ұйытқы болды. Алғыс айту күні қарсаңында этномәдени бірлестік өкілдері мүмкіндігі шектеулі жандар мен қарттарға концерттік бағдарлама ұсынды.
