Алматы • Бүгін, 08:53
Алматыда Түркі мемлекеттері ұйымының IV Халықаралық жастар фестивалінің салтанатты ашылу рәсімі өтті.
Жоба • 14 Тамыз, 2025
Алматыда Халықаралық жастар күніне арналып өткізілген «Alma love» онкүндігі өз мәресіне жетті. Айрықша жоба қала әкімдігі Жастар саясаты басқармасының қолдауымен алғаш рет ауқымды деңгейде жүзеге асырылып отыр. Елдегі жоғары оқу орындарының үштен бірін құрайтын мегаполисте 150 мыңнан астам студент білім алатынын ескерсек, бірегей бастама студенттердің өз мақсаттарын жүзеге асыруына үлкен мүмкіндік сыйлады.
Басылым • 28 Маусым, 2025
Балаға да, данаға да бағыт берген баспасөз
Күні бүгін елімізде түрлі деңгейдегі 2 989 басылым ресми тіркелген болса, оның 484-і – мемлекеттік мерзімді баспасөз басылымдары. Олардың ішінде құрамына 11 басылым кіретін «Қазақ газеттері» серіктестігіне қарасты газет-журналдар – ақпарат тасқыны күшейген кезеңде рухани кеңістіктің төрінен орын алған ұжымдар қатарында. Әріп таныған балдырғандардан еңкейген қарияға дейінгі аудиторияның рухани серігіне айналған іргелі ұжым қоғам айнасы, дерек пен дәйекке сүйенген сарабдал пікір алаңы десек, артық айтпаған болармыз.
Қоғам • 27 Маусым, 2025
Мемлекеттік наградалар табысталды
Алматы қаласындағы Достық үйінде журналистика саласында талай жылдар бойы тынбай қызмет етіп келе жатқан бірқатар журналиске мемлекеттік наградалар табыстау рәсімі өтті.
Таным • 17 Маусым, 2025
Бауырлас елдер тарихына байыпты көзқарас
Тарихтың терең қатпарынан бастау алатын қазақ-қырғыз қарым-қатынасы, Алатауды егіз емген екі елді байланыстыратын ортақ құндылықтар аз емес екенін аңғартады. Бауырлас халықтардың бекем бірлігі ерте дәуірлерге тиесілі қытай, парсы және басқа дереккөздерде, ұлы «Манас» эпосында, қазақ халқының «Еңсегей бойлы ер Есім» және басқа да тарихи жырларында жан-жақты көрініс табады. Бішкектегі Ж.Баласағұн атындағы Қырғыз ұлттық университетінде қос ел тарихшыларының қатысуымен өткен «Қазақ-қырғыз мәмілелері: тарихи сабақ және қазіргі заман» атты халықаралық ғылыми конференцияда бауырлас елдерді жақындастыратын тарихи деректер жан-жақты сараланып, ұлттық мүдде қайшылықтарын қоздыратын кейбір мәселелердің жігі тарқатылды.
Өнер • 11 Маусым, 2025
Алматыда «Әлемдік өнер галереясы: XXI ғасыр суретшілері» атты халықаралық көрме есік ашты. Шығыс пен Батысты, өткен мен болашақты жалғаған шығармашылық алаң халықтар арасындағы мәдени диалогті жандандыруды көздейді.
Руханият • 06 Маусым, 2025
Жалын жыры ұлттық поэзияның сүбелі қазынасына қосылып, өлеңге өз өрнегімен келген ғажайып ақын Еркін Ібітановтың туғанына биыл тоқсан жыл. Семсер сөз – сезімге суарылып, жүрек сүзгіcінен өткенде ғана шынайы құндылыққа айналатынын анық білген ол «арзанға жолағым келмейді, қымбат сөздің пісіп жетілуін күту керек» деп ағынан жарылыпты. Ақынның тау бұлағындай тап-таза әлеміне үңілген сайын, көкірегің ашылады...
Сұхбат • 31 Мамыр, 2025
Мәмбет ҚОЙГЕЛДІ, академик: Көптомдық Алаш идеясының жалпыұлттық ұстанымға айналғанын көрсетеді
«Алашорда ісі» деп аталатын он екі томдық құжаттар жинағын Президент Қасым-Жомарт Тоқаевтың 2020 жылғы 24 қарашадағы Жарлығына сәйкес саяси қуғын-сүргін құрбандарын толық ақтау ісі арнасында атқарылған көпсалалы қызметтің маңызды нәтижесі ретінде қарастырған орынды. Осынау мәні зор еңбекке ғылыми жетекшілік еткен тарих ғылымдарының докторы, профессор, ҰҒА академигі Мәмбет Қойгелдімен әңгімелескен едік.
Басылым • 23 Мамыр, 2025
Ақпарат кеңістігіне енген күннен бастап ұлттық баспасөздің туын абыроймен арқалап келе жатқан республикалық «Ana tili» газеті ойлы оқырманның айнымас сырласына айналды. Ел тарихы мен ұрпақ тәрбиесіне қатысты өткір мәселелерді батыл көтеріп жүрген оның әр саны елдік мүдде мен ұлттық болмыстың үнпарағы десек, артық болмас. Алматыдағы бас кітапханада басылымның 35 жылдығына арналған «Егемендік пен елдіктің еңселі мінбері» атты дөңгелек үстел өтіп, газеттің ұлт руханиятындағы рөлі, егемендік жылдарындағы ақпараттық-рухани күрестегі орны мен болашақ бағдары байыпталды.
Басылым • 21 Мамыр, 2025
Балалар мен жасөспірімдерге арналған республикалық «Ұлан» газетінің бала көңілдің бағбанына айналған айтулы басылымның жарық көргеніне биыл 95 жыл толып отыр. Атаулы дата аясында еліміздің бас кітапханасында өткен салтанатты іс-шара – ұлттық баспасөздің өскелең ұрпақ тәрбиесіндегі орны мен маңызын тағы бір мәрте дәлелдеген тағылымды кешке ұласты.
