Білім • Бүгін, 09:00
Астаналық Бағым Сұлтанқызының 6 жасқа жаңа толған тұңғышы жақында балабақшамен қоштасты. Өйткені оның баласы мектепке дейінгі ұйымға баратын жастан асып кетті. Ал өткен қыркүйекте 1-сыныпқа беруге ата-анасы ерте санаған. Бірінші баласы болғандықтан, 6 жасқа тола сала орынды босататынын білмеген кейіпкеріміз енді не істерін білмей абдырап қалған жайы бар. Себебі күйеуі екеуі – жұмыста. Әзірге ауылдан әжесін алдырыпты, бірақ дамуы, мектепке дайындық басты мәселеге айналды.
Әлем • Кеше
Қытайда «Шәкәрім» зерттеу орталығы ашылды
Қазақстан мен Қытай арасындағы ғылыми-инновациялық серіктестік жаңа кезеңге қадам басты. Қытайдың «Xi’an Jiaotong University» жанынан «Шәкәрім» мәдени зерттеулер орталығы құрылды. Бұл туралы Ғылым және жоғары білім министрлігі хабарлады.
Пікір • 07 Қараша, 2025
Отарланса да тілін ұмытпаған ұлт
Оңтүстік Кореяға жол түсіп, бірнеше қаласын, өңірін араладық. Сеулдің қақ ортасында жүрсеңіз де, шалғай ауылға барсаңыз да алдымен көзге түсетіні – кәріс тіліндегі жазулар. Мейрамхана мәзірі, қонақүйдегі қызмет парағы, тіпті метро стансасының хабарламасы, бәрі – өз тілінде. Туристерге ағылшынша аудармасы табылады, бірақ ешқашан басты орынға шықпайды.
Білім • 05 Қараша, 2025
Жұмыс күшін технология жаулаған құбылмалы кезеңде бір ғана мамандықпен шектеле алмайсың. Адамға екінші бір мамандықты меңгеруге дипломдағы кәсібінің қазірге қажет болмай қалуы мәжбүрлейді. Енді бір жағдайда кей мамандарға сұраныстың, қолдаудың артуы себеп болуы мүмкін, бұған кейінгі жылдары мұғалімдікке бет бұрғандардың көбейгенін мысал етуге болады. Іздене келе жаңа мамандық алудың екі жолы шығады, мұның бірі – екінші жоғары білім алу, екіншісі – магистратура. Осы тұста талапкер екеуінің қайсысы тиімді екенін білмей дағдаратыны бар.
Әлем • 30 Қазан, 2025
Таңғы жұпар елі. Оңтүстік Кореяның жаһан жұртына белгілі де бейресми атауы осындай екен. Шынында да Корей түбегіне табан тіресеңіз, таулы өңірдегі ақ жауыннан кейінгі саф ауа мен жайқалған желекке куә боласыз. Біз барған күздігүні біз болған әсем шаһарларын, әсіресе қалаларының арасындағы ауылдарын жасыл барқыт кілеммен көмкеріп қойғандай. Биыл Тынық мұхиты мемлекеттерінің экономикалық саммитін өткізуге таңдалған Кореяда көретін тағы не бар? Осыны баяндамаққа бел будық.
Қоғам • 25 Қазан, 2025
Mаңғыстау туризм колледжінің өндірістік оқыту шебері Еламан Фараббайұлы өзінің авторлық балмұздағын жасап шығарды. Оның десерті қазақтың ұлттық өнімінен әзірленген.
Жасанды интеллект • 23 Қазан, 2025
«AI-Sana»: бағдарламаның аяқ алысы қалай?
Жасанды интеллектінің қарқынды дамуы болашақ маман болатын бүгінгі студент пен оқытушының ЖИ жөніндегі базалық сауатын арттыруды талап етеді. Осы мақсатта «AI-Sana» бағдарламасы әзірленіп, оны кезең-кезеңімен енгізу басталды. Сол ауқымды істің барысы, аяқ алысы қалай? Бұл туралы Орталық коммуникациялар қызметінде өткен брифингте кеңінен баяндалды.
Қоғам • 17 Қазан, 2025
Елордада қазақ тіліндегі алғашқы мобильді ойын ресми түрде таныстырылды. Мемлекеттік тілді меңгеруге, ақыл-ойды дамытуға арналған түрлі тапсырмадан тұратын, қиындықты еңсеріп, белестерді бағындыруға жетелейтін жобаны Ғылым және жоғары білім министрлігінің «Тіл-қазына» ұлттық орталығы әзірлеген. Тұсаукесерге тіл жанашырлары, Үкімет, Сенат мүшелері, мемлекет және қоғам қайраткерлері, ата-аналар мен балалар қатысты.
Саясат • 15 Қазан, 2025
Шетелмен әріптестік не береді?
Кейінгі кезде үкіметте елімізді академиялық хабқа айналдыру жөнінде жиі айтылып жүр. Осы мақсатта Қазақстанда шетелдердегі беделді жоғары оқу орындарының филиалдарын ашу қарқынды қолға алынды. Мұндай мүмкіндік отандық мектептердің түлектеріне шекарадан шеткері шықпай-ақ әлемдік деңгейдегі университеттердің дипломын алуға жағдай жасады. Бұдан басқа тағы қандай артықшылығы мен тиімділігі бар? Тарқатып көрейік.
Білім • 10 Қазан, 2025
Журналист жұмысының бір артықшылығы бар. Ол кез келген маманның бір күнін бастан кешіп, көзбен көре алады. Сондай мүмкіндікпен мектеп партасына оқушы болып отырып, сабақ оқыдық. Мұндағы мақсатымыз – білім алушының рөліне еніп, информатика пәнінде жасанды интеллект туралы не үйрететінін білу.
