Пікір • 26 Сәуір, 2023
Еркіндік және нарықтық қатынас
Қасым-Жомарт Тоқаевтың төрағалығымен өткен еліміздің әлеуметтік-экономикалық даму мәселелері жөніндегі кеңейтілген кеңестен аңғарғанымыз: бізде мұндай ауқымды іс-шараны ұйымдастырудың жаңа мәдениеті қалыптасып жатыр. Президент енді елдің әлеуметтік-экономикалық даму үдерісіне биліктің барлық деңгейіндегі тармақтары қатысатынын осы формат арқылы анық аңғартты. Бұл билікті орталықсыздандыру саясатының басталғанын көрсетті.
Әдебиет • 26 Сәуір, 2023
Әдебиет әлеміндегі кез келген құбылысты қалт жібермей қадағалап, таза шығармашылықпен айналысуға тіршілік қамыты мойын бұрғызбайтын өлара мезгілде, таланттарымызды құмнан алтын сүзгендей іздеп отыратын мүмкіндіктің қолы байланғанын несіне жасырайын?! Бүгінгі ұрпақтың көзіне мүлде басқа планетада болған қиял-ғажайып ертегідей елестейтін өткен ғасырдың сонау сексенінші жылдары жасы елуге келген ақын-жазушылардың жетістіктері, шығармашылық табысы, жаңалығы мен жеткен биігі жөнінде жанашыр ағалары салиқалы сөз бастап, соңынан ерген інілері қостап, мақалалар жазылып, дүние дүркіреп жататын.
Қоғам • 25 Сәуір, 2023
Z ұрпақ: Интернетті қолдану мен еңбек нарығы
Бүгінгі қоғамда әлеуметтік желінің әлеуеті басым. Содан болар Z ұрпақ ғаламторда коммуникация құралы ретінде интернет-мемдерді (ағыл. meme – интернетте тарайтын тапқыр, кекесінді мағына беретін сурет немесе бейнежазба түріндегі ақпарат) жиі қолданады. Аталған буынның еңбекке деген көзқарасы да зерделеуді қажет етеді. Z ұрпақтың осы және өзге ерекшеліктерін «Global Web Index» (GWI) пен «Randstad» атты екі компания сауалнама нәтижесінде анықтады.
Руханият • 25 Сәуір, 2023
Таяуда қаламгер Қали Сәрсенбайдың «Журналист – өмір барлаушысы. Журналистика – өмір мектебі» атты сұхбат кітабы жарық көрді. Оның кейіпкері – төл баспасөзімізде 48 жыл тынбай еңбек еткен кәсіби журналист Жанболат Әлиханұлы Аупбаев. Өмірден көргені мен түйгені мол аға буын өкілінің авторға диалог, интервью түрінде айтқан әңгімелерінде кешегі заман, бүгінгі қоғам жөніндегі ойлары ешкімді енжар қалдырмаса керек. Кейіпкердің, әсіресе қазіргі қазақ руханиятындағы тұлғалар, олардың орны мен рөлі туралы түйіп айтқан толғамдары ерекше.
Жәдігер • 25 Сәуір, 2023
Сәбит Мұқановтың музейіндегі қонақ бөлменің төрінде жатқан аюдың терісіне алпыс жылдан астам уақыт өтіпті. Айтсаң, аңыз сияқты.
Руханият • 25 Сәуір, 2023
Ұлт этнографиясының қайраткері
Қазақ халқының тұрмыс-салты, дүниетанымы, тұрмыс-тіршілігі, қолөнері – тұтас болмысының бір бөлігі. Түптеп келгенде, мұның бәрі халықтың ұлан-ғайыр тарихымен тығыз байланысты. Қаншама уақыттан бері халықтың осынау рухани, заттық мәдениеті толыққанды зерттелмей келді. Оның түрлі объективті және субъективті себептері болды. Басты себептердің бірі – ұлттың біртұтас, іргелі қоныстану жағдайының өзгеріске түсуі, этномәдени ортасының бүлінуі еді.
Тұлға • 24 Сәуір, 2023
Қазақстанның халық жазушысы, Мемлекеттік сыйлықтың лауреаты, екі ғасырдың ұрпағына да белгілі талант иесі, ақын Қадыр Мырза Әлінің өлеңдері ел аузында жиі айтылатын афоризмге айналғанын бәріміз білеміз. «Өлеңге айтып қойыппын, Өмірдің айтпа дегенін» деп, бар болмысын поэзиясына сыйдыра білген Қадыр ағамыздың «көзі кеткеннен» кейін шығармаларына қиянат жасап жүрген жайымыз бар.
Пікір • 23 Сәуір, 2023
Саяси реформа – елдіктің ұстыны
Ел тағдырына әрбір азамат жауапты. Шынында да, әрқайсымыздың азаматтық ұстанымымыз елдің бүгіні мен ертеңі үшін маңызды. Осы орайда елімізде кейінгі бір жылда болған саяси оқиғаларға көзқарасымды білдіру парызым деп санаймын.
Музей • 23 Сәуір, 2023
Мәдениет және спорт министрлігінің қолдауымен Ұлттық музейде «Қолөнершілер орталығы» мен «Палеонтология» залының ашылу салтанаты өтті.
Инфографика • 21 Сәуір, 2023
Кейінгі кездері жасөспірімдер арасында зорлық-зомбылық, әлімжеттік, буллинг, суицид оқиғалары жиілеп кетті. Өскемен қаласындағы қыздар төбелесі, Түркістан облысындағы оқушы қыздың өлімі, Алматы облысындағы бір мектептегі оқиға салдарынан екі баланың қайтыс болуы қоғамда қызу талқыланып жатыр. Жас ұрпақтың қауіпсіздігі мен отбасы құндылықтарын дәріптеу мәселесі күні кеше Үкімет үйінде өткен алқалы жиында да көтерілді. Балаларға қатысты жантүршігерлік қылмыстар жиілеп кеткенін айтқан Мемлекет басшысы Қасым-Жомарт Тоқаев: «Сорақы жағдайлар оқушылардың өзіне қол жұмсауына себепкер болып отыр. Тіпті ата-аналардың өздері баласына қорлық көрсетіп, оның арты қайғылы жағдайға ұласып жатады. Отбасындағы зорлық-зомбылықтың алдын алу жұмысы әлсіз. Жауапты мекемелер мен құқық қорғау органдарының қызметі ойдағыдай нәтиже берген жоқ», деп бұл бағыттағы жұмыстарды сынға алды. Рас, ендігі жерде мұндай жантүршігерлік оқиғаларға өкініш білдіріп немесе сырттай қарап отыру мүмкін емес. Сол себепті де «Egemen Qazaqstan» газетінің кезекті дөңгелек үстеліне білім мен тәрбие саласына жанашырлық танытып жүрген қоғам мүшелерін жинап, көкейкесті мәселені жан-жақты талқылаған едік.Дөңгелек үстелге еліміздің бала құқығы жөніндегі уәкілі Аружан Саин, Мәжіліс депутаты Аманжол Әлтай, педагог-психолог Әсия Серікова, республикалық «Qazbilim» орталығының және Астана қаласындағы Қ.Мұхамедханов атындағы №90 ұлттық гимназияның директоры Аятжан Ахметжанұлы, Ұлытау облысы білім басқармасының басшысы Сапура Төлекова, Астана қаласы полиция департаменті Жергілікті полиция қызметі басқарма бастығының орынбасары Қанат Нысантаев, ата-аналар өкілі, журналист Данияр Есен және «Сенімен Болашақ» республикалық қоғамдық бірлестігінің жетекшісі Нұркен Асанов қатысып, тақырыпқа қатысты ой-пікірлерін ортаға салды.
