Егемен Қазақстан • 16 Желтоқсан, 2024
«Егемен» – елдіктің биік мінбері
Ұлт баспасөзінің қарашаңырағы, еліміздің бас газеті «Egemen Qazaqstan»-ның жарық көре бастағанына – 105 жыл. Осы мерейлі датаға орай елордадағы Достық үйінде «Егеменнің» елдік жолы» мәдени-интеллектуалдық форумы өтіп, оған Сенат пен Мәжіліс депутаттары, белгілі мемлекет және қоғам қайраткерлері, ғалымдар, Мәдениет және ақпарат министрлігінің өкілдері, БАҚ басшылары мен қызметкерлері қатысты.
Егемен Қазақстан • 13 Желтоқсан, 2024
Оқырман ойы: Игі істің дәнекері
Бір ғасырдан аса тарихы бар «Egemen Qazaqstan» газетін елу жылдан бері үзбей жаздыртып алып отырамын. Аптасына бес рет қолымызға тиетін бас басылым беттерінде жарияланып тұратын ел тарихына, ұлт руханиятына қатысты құнды материалдарды, бүгінгі қоғамның қалпы мен мемлекетіміздің даму бағытын терең талдап, жан-жақты сараптап, көкейге сәуле түсіретін салмақты дүние, байсалды ой, байыпты мақалаларды тұщынып оқимын.
Егемен Қазақстан • 13 Желтоқсан, 2024
«Етжеңді» жобасы қалай өмірге келді?
Бәрі де тәжірибеден, бір кездегі қолға алған істің уақыт өте келе ой-санаңда қайта жаңғырғанынан басталады. Ол дегеніміз – оның жалқыдан жалпының игілігіне айналған жұмыс дағдысы деген сөз. Мұның тамаша бір үлгісін «Лениншіл жас» газетінде жұмыс істеп жүргенде көріп, оны ұмытпай есте сақтап қалғаным бар. 1976 жыл еді. Партияның ХХV съезі алға қойған міндет – сапа бесжылдығында елде өте шұғыл деп айтарлық ұйымдастыру жұмысы қолға алынды. Ол жер-жердегі ұжымдардың бәрінде бұрыннан бар социалистік жарыстың жаңа формасы табылсын.
Егемен Қазақстан • 13 Желтоқсан, 2024
Қазақ мәдениеті мен руханиятының көрнекті тұлғалары Шерхан Мұртаза мен Камал Смайыловтың ұзақ жылдар бойы жұп жазбай, жұп жазса да, көз жазбай қатар жүрген жолдастығы мен достығы қоғам өмірінде өзгеше өрнек салып, өнегесін де орнықтырды.
Егемен Қазақстан • 13 Желтоқсан, 2024
«Әуелі ой туады. Сосын сөз шығады. Жазылады. Жолданады. Оқылады. Бағаланады. Тексеріледі. Түзетіледі. Теріледі. Тазартылады. Оқылады. Тағы түзетіледі. Тағы оқылады. Қол қойылады. Бір мақала дайын болды. Бір бетке осындай қанша мақала керек! Бір нөмірге осындай қанша бет керек! Нөмір жоспарланады. Беттер макеттеледі. Мақалалар бетке түседі. Корректор оқиды. Кезекші редактор оқиды. Басшылық оқиды. Тағы түзетіледі. Қысқартылады. Толықтырылады. Безендіріледі. Қол қойылады. Баспаханаға жіберіледі. Реттеледі. Беттеледі. Басылады. Тасылады. Поштаға барады. Үйді-үйге жеткізіледі. Газет оқырманның қолына тиеді. Газеттің бір нөмірі!Ертеңіне бәрі басынан қайта басталады…».
Егемен Қазақстан • 13 Желтоқсан, 2024
Ғасырлық тарихы бар «Egemen Qazaqstan» газеті халықтың көкейінде жүрген қаншама мәселені қаузап, оң шешімінің табылуына септесті. Бес жыл бұрын бас газетте «Елу жыл бұрынғы ескі паром елді қашанғы әуреге түсіреді?» атты мақала жарық көріп, Президент назарына ілінген. Мемлекет басшысы дереу әлеуметтік желі арқылы үкіметке көпір салу жөнінде тапсырма беріп, өз қадағалауына алған.
Пікір • 13 Желтоқсан, 2024
Тәуелсіздік деген – тәтті сөз, тәтті ұғым. Оның қадіріне жету – әрбіріміз үшін киелі борыш. Тәуелсіздік дегенді тәртіпсіздік деп ұғып, мемлекет мүлкіне қол сұғып, халықтың ырысын талан-таражға салып жүргендер бар. Тәңірден тәлейімізге бұйырған азаттықтың оңай келмегенін, бұл күн халқымыздың ғасырлап күткен асыл арманының жемісі екенін ешкім жадынан шығармаса деймін.
Егемен Қазақстан • 13 Желтоқсан, 2024
Оқырман ойы: Жақсы істердің жаршысы
Халықпен бірге Абай облысының оқырмандары да «Egemen Qazaqstan» газетін еліміздің бас газеті деп білеміз. Көңіліндегіні тауып, таным байытып отырғанына биыл 105 жыл толып отырған бұл газетті өңір ардагерлері үзбей оқып келеді. Келер жылға да арнайы жазылып жатқан жайымыз бар.
Тарих • 13 Желтоқсан, 2024
«Алтын сақина» пьесасының құнды қолжазбасы
Алаш арыстарының көпшілігі 1937-1938 жылдары «халық жауы» есебінде жалған, ауыр айыптаулармен атылып кеткеннен кейін олардың мұралары түгелге жуық тәркіленгені белгілі. Алаш арыстарының артында жүздеген кітабы қалды. Оны алаштанушы-ғалымдар, төте жазуды оқып, зерттеп жүрген азаматтар зерделеп, қазақ оқырмандарына қайтадан ұсынып жатыр. Бірақ ащы болса да ақиқат сол арыстардан – Ахмет, Әлихан, Міржақып, Мағжан, Телжан Шонанұлы мен Қошке Кемеңгерұлынан қалған қолжазбалар жоқтың қасы. Ал қазір пайдаланып жүргеніміз – тек қана ресми баспада шыққан кітаптары, басылымдарда жарияланған мақалалары, мұрағаттар, деректер. Баспадан шыққан кітаптардан да құнды нәрсе – қолжазба, яғни автордың ең алғашқы, ең дұрыс деп қараған түпнұсқасы. Ал баспадан шыққан кітаптарда сол кездегі цензураға ұшырап, басылмай қалған тіркестер де болады. Кітаби нұсқа мен қолжазбаның арасы жер мен көктей.
Заң мен Тәртіп • 12 Желтоқсан, 2024
Азаматтардың мүддесі ескеріледі
Парламент әдеттегідей жылды қарқынды жұмыспен аяқтағалы отыр. Осы жылы да негізгі салалардағы заңнаманы жетілдіруге бағытталған заң жобалары әзірленді. Заңдар жаңа жылдың алғашқы күндерінен бастап күшіне ене бастайды. Онда Мемлекет басшысы белгілеген басым міндеттер ескерілген. Қазіргі уақытта Парламент Мәжілісінің қарауында 70-ке жуық, Сенаттың қарауында 14-ке жуық заң актісі бар, көптеген жобаның жұмысы аяқталды және заңдарға Президент қол қойды.
