Балалар үйіне 15 миллион теңге қаржы бөлді

Қазақмыс компаниясы жыл сайын өтетін рес­пуб­ликалық «Мектепке жол» акциясының ая­сында биыл Жезқазғандағы «Үміт» балалар үйінің тәрбиеленушілеріне 15 миллион теңге қар­­­жы бөлді. Бөлінген қаржы мекеменің қайта оңтай­ландырылуына, спорт және балалар алаңына, сон­дай-ақ электронды техника мен компьютер алуына бағытталған. Бұл шараға құрметті қонақ ретінде «Жезқаз­ғантүстімет» ӨБ бас директоры Қайрат Шалмағам­бетов, сенатор Сергей Ершов және Мәжіліс депута­ты Арман Қожахметов қатысты. Қайта оңтайлан­ды­рылған спорт алаңын аралап, балаларды биылғы жаңа оқу жылымен құттықтап, Қазақмыс әлеуметтік жауапты әріптес ретінде әр жылдары Жезқазған аумағында бірнеше әлеуметтік нысандардың бой көте­руіне атсалысқанын атады. – Қазақмыс компаниясы әсіресе, балаларға қатысты әлеуметтік жобаларға ерекше көңіл бө­леді. Жасөспірімдер біздің мемлекетіміздің бола­шағы, сондықтан біз олардың өмірін жақсартып, сапалы білім алуларына барынша қолдау көрсетеміз. Корпорация мен «Үміт» балалар үйі арасында көп­жылдық достық қарым-қатынас орнатылған, – дейді «Қазақмыс корпорациясы» ЖШС бас директоры Бақтияр Қырықпышев. «Егемен-ақпарат».