Марапаттар табыс етілді

Қазақстан Республикасы Парламенті Сенаты Төрағасының орынбасары Асқар Бейсенбаев Тәуелсіз Мемлекеттер Достастығына қатысушы мемлекеттер Парламентаралық Ассамблеясының марапаттарын табыс етті, деп хабарлады Сенаттың баспасөз қызметі. «Казахстанская правда» рес­­публикалық газеті» АҚ басқар­масының төрағасы Александр Тараков, «Егемен Қазақстан» интернет газетінің редакторы Се­рік Пірназар, «Қазақстан» РТРК АҚ ақпарат бағдарламалары ди­рек­циясының бас редакторы Құрманбек Қазанбасов, «24 kz» телеарнасындағы жаңа­лық­тар бөлімінің продюсері Инна Малахова және «Астана» теле­арнасының жүргізушісі Оксана Петерс «Баспасөз және ақпаратты дамытуға сіңірген еңбегі үшін» құрмет белгісімен марапатталды. Абай атындағы академиялық опера және балет театрының ән­шісі Мейір Байнешов және Қазақ ұлттық өнер университетінің оқытушысы Жұмабек Қадырқұлов «Мәдениет пен өнерді дамытуға сіңірген еңбегі үшін» құрмет белгісімен марапатталды. 2014 жылғы Азиядағы пар­алим­пиялық ойындардағы жүзуден бес дүркін чемпион Әнуар Ахметов және халықаралық гроссмейстер, «ҚазМұнайГаз» ҰК» АҚ Стратегия және жинақтау-үйлестіру жұ­мыстар департаментінің директоры, Қазақстан Республикасының Президенті жанындағы Жастар саясаты жөніндегі кеңестің мү­шесі Дәрмен Сәдуақасов «Дене­шынықтыру, спорт және туризмді дамытуға сіңірген еңбегі үшін» құрмет белгісімен марапатталды.