Фото: Depositphotos.com
Өңірлік полиция департаментінің мәліметінше, жол-көлік оқиғасы түнгі уақытта Шемонаиха ауданындағы Первомайский кентінде болған. «ВАЗ 21100» автокөлігінің жүргізушісі рөлге ие бола алмай, жол жиегіндегі ағашқа соғылған.
Салдарынан жүргізуші мен екі жолаушы жедел жәрдем жеткенге дейін оқиға орнында қайтыс болды. Қазір құқық қорғау органдары оқиғаның барлық мән-жайын анықтауға бағытталған тергеу әрекеттерін жүргізіп жатыр.
Аталған деректі жергілікті әкімдік те растады. Әкімдік өкілдері балалары көлік немесе мотоцикл тізгіндейтін ата-аналарға ерекше жауапкершілік жүктелетінін атап өтті.
«Балаларыңызбен жол қауіпсіздігі, жылдамдықты сақтау және сақтық шаралары туралы сөйлесіңіздер. Өздеріңізді және жақындарыңызды қорғаңыздар. Өмір мен денсаулық – ең қымбат құндылық», делінген хабарламада.
Әл-Фараби даңғылындағы жол апаты: Резонанс тудырған іс таяуда сотқа жолданады
