Құзырлы органның мәліметінше, соңғы төрт жылдыққа аталған көрсеткіште алғаш рет төмендеу байқалып, жыл басынан бері қылмыстық жағдайлар 5,3 мыңды құраған. Өткен жылдың I тоқсанында өсім 23 пайыз болса, ал жыл қорытындысы бойынша 26 пайыз өсім тіркелген болатын.
Полиция инвестициялық алаяқтықтың қауіпті схемалары туралы ескертті
Мамандардың пікірінше, қазіргі төмендеуге негізінен онлайн-қарыз рәсімдеу арқылы жасалатын интернет-алаяқтықтың азаюы әсер етіп отыр. Себебі мұндай жағдайлар бір жылда үш есе қысқарған. Сондай-ақ интернетте қызмет көрсету туралы жалған хабарландырулар арқылы жасалатын алаяқтық 20 пайызға азайып, 1,1 мыңға тұрақтаған. Ал жалған банк атынан SMS жіберу арқылы жасалатын алаяқтық деңгейі өзгермей, 1 мың жағдай деңгейінде қалып отыр. Айта кету керек, дәл осы алаяқтық түрі өткен жылы жалпы көрсеткіштің өсуіне ең көп әсер еткен.
Тәулігіне 690 доллар табыс: Электросамокат арқылы жасалған алаяқтық әшкере болды
Бас прокуратура дерегінше, тіркелген 5,3 мың интернет-алаяқтықтың 721-і бойынша іс аяқталған, оның ішінде 634-і сотқа жолданған.
Нұрболат АМАНБЕК
