Ведомствоның хабарлауынша, желіде жалған хабарландырулар мен делдалдар арқылы ұсынылатын күмәнді қызметтер көбейген. Алаяқтар билет алып беруге «кепілдік» ұсынып, оларды қымбат бағада сатуы немесе жалған билеттер таратуы мүмкін. Нәтижесінде азаматтар ақша аударғанымен, билеттерін ала алмай жатады.
Осыған байланысты Ішкі істер министрлігі тұрғындарды қырағы болуға шақырады. Концерттер мен өзге де іс-шараларға билеттерді тек ресми және сенімді көздерден сатып алу ұсынылады. Сондай-ақ бейтаныс адамдарға ақша аударудан бас тарту қажет. Мұндай сақтық шаралары алаяқтықтың алдын алуға көмектеседі.
