Қазақстандық стандарттау және метрология институты берген сертификат жоғары деңгейде мойындалған. Бұл еліміздің халал сертификаттау жүйесі үшін маңызды қадам болып, экспорт мүмкіндіктерін кеңейтті.
«ҚазСтандарт» бүгінде Saudi Food and Drug Authority жанындағы Saudi Halal Center-де аккредиттелген Қазақстандағы жалғыз ұлттық орган. Аталған құрылымдар Сауд Арабиясы нарығына өнімдерді кіргізуге рұқсат беріп, олардың шариғат талаптары мен халықаралық стандарттарға сәйкестігін растайды. Мұндай мойындаусыз халал өнімді экспорттау мүмкін емес. Енді Қазақстан сертификаттары ресми түрде танылатын елдердің қатарына кірді», делінген хабарламада.
Институт мәліметінше, өнімді ілгерілетуге Қазақстанның агроөндірушілері мен экспорттаушылары қауымдастығы қолдау көрсетті. Ұйым халықаралық байланыстарды дамытып, БАӘ, Сауд Арабиясы және Өзбекстандағы сауда өкілдіктері арқылы жұмыс істейді.
Сауд Арабиясы халал өнімдеріне қойылатын талаптары жоғары нарықтардың бірі саналады және Парсы шығанағы елдеріне шығуға жол ашады. Бұл нарыққа шығу қазақстандық компаниялар үшін жеткізу географиясын кеңейтуге, шетелдік серіктестердің сенімін арттыруға және елдің халал өнім жеткізуші ретіндегі позициясын нығайтуға мүмкіндік береді.
Алматы апорты экспортқа дайындалып жатыр: QazTrade пен өндірушілер меморандумға қол қойды
«ҚазСтандарт» өкілдері бұл жетістік мемлекет, салалық институттар мен бизнестің жүйелі жұмысының нәтижесі екенін атап өтті.
