Ешқандай құқықтық кедергі жоқ

Елбасы Нұрсұлтан Назар­баев Конституциялық Кеңес Төрағасы Игорь Роговпен консультация өткізді, деп хабарлады Президенттің баспасөз қызметі. Кездесу барысында Мемлекет басшысы Конституциялық Кеңеске Президент сайлауын өткізу мүмкіндігіне қатысты сауал жолданғанына тоқталды. Нұрсұлтан Назарбаев Пар­­ламент палаталары төра­ға­ларымен, сондай-ақ, Премьер-Ми­нистрмен консультациялар өткізгенін айтты. Қазақстан Президенті сайлау өткізу Конституция талаптарына дәлме-дәл сай болуы тиістігін атап өтті. И.Рогов Негізгі Заңның 41-ба­бының 3-1-тармағына сәйкес, кезектен тыс президенттік сайлауды белгілеу тек Қазақстан Президентінің құзыретіне жататынына тоқталды. Аталған конс­ти­туциялық құзырет ешқандай шартқа және шектеуге байлаулы емес, Мемлекет басшысы оны дер­бес жүзеге асырады. Осыған бай­ланысты Конституциялық Кеңес Төрағасы кезектен тыс Пре­зидент сайлауын өткізуге қандайда бір конституциялық құқықтық кедергінің жоқ екенін айтты. Суреттерді түсіргендер С.БОНДАРЕНКО, Б.ОТАРБАЕВ.