Жаңа бастама Мемлекет басшысының «Кітап оқитын ұлт» жобасы аясында қолға алынған екен. Жұбан Молдағалиев атындағы Батыс Қазақстан облыстық орталық әмбебап ғылыми кітапханасы Орал қалалық жолаушы тасымалы бөлімімен бірлесе кіріскен жоба әзірге қала ішіндегі негізгі екі маршрут автобустарын қамтыған.
– Жолаушыларға ұсынылып отырған кітаптарды жергілікті қаламгерлер, зиялы қауым өкілдері тегін сыйлады. Сол арқылы ізгі бастамаға барынша қолдау білдіріп жатыр. Бәрінің де ниеті – кітапқа деген сүйіспеншілікті арттырып, оқу мәдениетін күнделікті өмірмен ұштастыруға бағытталған, – дейді Жұбан Молдағалиев атындағы Батыс Қазақстан облыстық орталық әмбебап ғылыми кітапханасы директорының орынбасары Нұрлыгүл Сағынова.
Бұл жобаға Батыс Қазақстан облысы әкімдігі, облыстық білім басқармасы да қолдау білдіріп отыр. Болашақта шалғай елді мекендерге баратын қоғамдық көліктерде де осындай сөрелер пайда болуы мүмкін.
Батыс Қазақстан облысы
