Фото Depositphotos.com
«23 қаңтар күні Өскемен гарнизонындағы әскери бөлімдердің бірінде қарауыл қызметін атқару кезінде мерзімді әскери қызметші өзіне бекітілген қарудан өз-өзіне оқ атып, алған жарақатынан көз жұмды. Әскери қызметші өткен жылдың сәуір айында мерзімді әскери қызметке шақырылған», деді ол.
Аталған дерек бойынша Ішкі істер министрлігінің Шығыс өңірлік әскери тергеу басқармасының Өскемен бөлімінде қылмыстық іс қозғалды. Тергеу барысы Өскемен гарнизонының әскери прокуратурасының бақылауында.
Қайғылы оқиғаның себептері мен жағдайлары анықталып жатыр, ал басқа ақпарат тергеу мүддесіне байланысты жария етілмейді.
Қорғаныс министрінің тапсырмасымен оқиғаның объективті әрі жан-жақты зерттелуі үшін министрліктің генерал-майоры Асқар Мұстабеков басқаратын комиссия жұмыс істеп жатыр.
Қорғаныс министрлігі мен Қарулы Күштер басшылығы қаза тапқан сарбаздың туған-туыстары мен жақындарына қайғырып көңіл айтады. Министрлік марқұмның отбасына қолданыстағы заңнамаға сәйкес барлық қажетті көмек көрсетілетінін мәлімдеді.
Алматы облысында оқу полигонында сарбазға оқ тиіп, жарақат алды
