Аталған органның байланыс қызметінің хабарлауынша, практикалық емтихан кезінде жүргізуші куәлігін алуға келген үміткер тапсырмалардың бірін орындау барысында көлік құралын басқаруда қателік жіберіп, соның салдарынан көлік аударылып кеткен.
Мамандандырылған ХҚКО қызметкерлері жедел жәрдем көлігі жеткенше оқиға орнында алғашқы медициналық көмек көрсеткен. Үміткердің жағдайы қазіргі таңда қанағаттанарлық деп бағаланып отыр.
Аталған оқиға мемлекеттік қызмет көрсету үдерісіне әсер еткен жоқ, бүгінгі таңда практикалық емтихан күнделікті кестеге сай қабылданып жатыр дейді ХҚКО мамандары.
Осы орайда халыққа қызмет көрсету орталығының өкілдері практикалық емтиханға автомектептерде оқудан өткен, көлік құралын басқаруға дайындығын растаған, тапсырмаларды өз бетінше орындауға қабілетті тұлғалар ғана жіберілетінін еске салды.
