Фото: instagram.com/clubbrugge
Клуб Instagram-дағы парақшасында «Сәлем, Астана!» деген жазба қалдырып, бірнеше контент жариялаған. Қос құрама арасындағы кездесу ертең сағат 20:30-да басталады.
«Қайрат» үшін бұл матч Чемпиондар лигасы аясында өз аренасында өткізетін соңғы ойын болмақ.
Аталған ойыннан кейін «Қайрат» азулы «Арсеналға» қарсы доп тебеді. Бұл кездесу Қазақстан уақытымен 29 қаңтарға қараған түні сағат 1:00-де Лондондағы Emirates Stadium стадионында өтеді.
Айта кетейік, «Қайрат» – «Арсенал» матчына билет бағасы жарияланды.
Сондай-ақ «Қайрат» құрамы жаңа екі ойыншымен толықты.
Еске салайық, бұған дейін «Қайрат» сапынан израильдік жартылай қорғаушы Офри Арад кеткенін хабарлағанбыз.
