Фото: Ашық дереккөз
Павлодар облыстық сотының баспасөз қызметі хабарлағандай, сотталған әйел 2024 жылы интернет желісінде бүйрегін 50 мың долларға (сол кездегі бағам бойынша 24,5 млн теңге) сату туралы келісім жүргізген. Трансплантация отасы Павлодар қаласында өтуі тиіс болған.
2025 жылы айыпталушы Қазақстанға келіп, қажетті медициналық тексерулерден өткен. Алайда заңсыз әрекеттің жолы кесіліп, полицейлер оны 5 млн теңге көлеміндегі алғашқы жарнаны алу сәтінде қолға түсірген. Сот отырысында әйел өз кінәсін толық мойындап, жасаған ісіне өкінетінін жеткізген.
«Сот шешімімен оған 10 айға бас бостандығынан айыру жазасы тағайындалды. Оның күзетпен ұстауда болған уақыты ескеріліп, жаза өтелді деп танылды. Сотталған әйел сот залынан босатылды», делінген хабарламада.
Сот үкімі заңды күшіне енді.
