Жаңа автобустардың 9-ы №31 маршрут бойынша қатынайды. Маршрут Ақбұлым алқабынан басталып, кірпіш зауыты, Жауғаш батыр, Балуан Шолақ, Абай, Байзақ батыр, Комратов, Қонаев, Сейфуллин, Әл-Фараби, Төле би, Махамбет батыр көшелері арқылы өтіп, Ниетқалиев көшесінде аяқталып, минералды тыңайтқыштар зауытына дейін жалғасады.
Айта кетейік, Ақбұлым тұрғын алабы Байзақ және Жамбыл аудандарынан Тараз қаласына қосылған елді мекен болғандықтан, оны қоғамдық көлікпен қамту мәселесі өзекті болып отыр.
Қазіргі таңда Тараз қаласында 9 компания 50 маршрут бойынша жолаушылар тасымалын жүзеге асыруда. Соңғы 4 жылда қала автобус паркі 388 жаңа қоғамдық көлікпен толықты.
