Қостанай облысында басқармаға жаңа басшы тағайындалды

АСТАНА. 24 ақпан. Қостанай өңірінің басшысы Нұралы Сәдуақасовтың бұйрығымен Теміржан Төлеубайұлы Төлеубаев облыстық жердің пайдаланылуы мен қорғалуын бақылау басқармасының басшысы болып тағайындалды. Бұл туралы облыстық әкімдіктің баспасөз қызметінен хабарлады. Теміржан Төлеубаев 1952 жылы 4 сәуірде Ақмола облысы Қима ауданының «Есіл» кеңшарында туған. 1999-2009 жылдар аралығында Қостанай облысы Жeтіғара ауданының әкімі, облыстық ауыл шаруашылық және азық-түлік департаментінің директоры, Қостанай облысы Алтынсарин ауданының әкімі, Қостанай облысы әкімінің орынбасары. Қостанай облыстық мәслихатының хатшысы, «Интеграция Целина» ЖШС бас директоры, Арқалық қаласының әкімі болған. Қостанай облыстық мәслихатының 3-ші (2006 ж.), 4-ші (2007 ж.) шақырылым депутаты. 2012 жылдан бастап, Жер ресурстарын басқару агенттігі Қостанай облысы бойынша аумақтық жер инспекциясының бастығы қызметтерін атқарған. «Құрмет» орденімен (2006 жыл), «Қазақстан Республикасының тәуелсіздігіне 10 жыл», «Қажырлы еңбегі үшін», «Қазақстан Конституциясына 10 жыл» медальдарымен марапатталған. Жолдыбай Базар. Дерек, сурет: Қостанай облыстық әкімдігінің баспасөз қызметі.