Жылдың ең жұлдызды премьерасы Карл Орфтың «Carmina Burana» балет-кантатасы болды. Театр сахнасында алғаш рет хор, оркестр, солистер мен балет әртістері бір сәтте өнер көрсетті. Спектакль XIII театр маусымын салтанатты түрде жауып, жыл соңында кәсіби қауымдастық тарапынан «Жыл балеті» атанды.
Сондай-ақ өнер ұжымы Оңтүстік Кореядағы «Cheonan World Dance Festival 2025» дүниежүзілік би фестивалінен күміс медаль иеленді. Онда әртістер көрермен көзайымына айналған «Ұлы дала мұрасы» концерттік бағдарламасының хореографиялық миниатюраларын көрсетті. Ұжым әлем сахнасында ұлттық хореография мектебінің бәсекеге қабілетті екенін тағы бір мәрте дәлелдеп, елдің мәдени мұрасын халықаралық деңгейде кеңі-нен танытты.
Бұдан бөлек, былтыр театр репертуары екі актілі «Қос кілем» балетімен толықты. Мемлекеттік мерекелерге орай «Мәңгі ел» концерттік бағдарламасы аясында ұсынылған жаңа хореографиялық миниатюралар әзірленді.
Аталған жыл театр құрамы үшін де нәтижелі болды. Театр әртістері «Ерен еңбегі үшін» мемлекеттік наградасына ие болды, ал бас балетмейстер мен жетекші солист «Benois de la Danse 2025» беделді халықаралық сыйлығының номинанттары атанды.
