Кездесу барысында тараптар екіжақты стратегиялық әріптестіктің басым бағыттары жөнінде жан-жақты пікір алмасып, инвестициялық, өнеркәсіптік өзара іс-қимылды одан әрі тереңдету перспективаларын талқылады. Сондай-ақ Қазақстан мен Чжэцзян провинциясы арасында машина жасау, автомобиль құрастыру, жаңа технологиялар саласындағы ынтымақтастықты нығайту, оның ішінде өңіраралық деңгейде практикалық өзара іс-қимылды жандандыру жөніндегі уағдаластықтарға қол жеткізді.
Бұған қоса, Қазақстан-Қытай өнеркәсіптік ынтымақтастығының орнықты серпіні мен ірі индустриялық жобаларды жүзеге асырудағы қытай компанияларының айтарлықтай тәжірибесі атап өтілді.
Кездесу қорытындысы бойынша қытайлық компаниялардың өкілдері өзара шешімдерді дәйекті жүзеге асыруға, өндірістік әрі технологиялық ынтымақтастықты кеңейтуге уағдаласты.
Роман Скляр Қазақстан Үкіметі бірлескен бастамаларды кідіріссіз қолдауға әрі дамытуға, сондай-ақ оларды жүзеге асыруды үйлестіруге және жобаларды табысты орындау үшін жағдай жасауға дайын екенін жеткізді.
Қазақстан – Қытай стратегиялық әріптестігі шеңберінде металлургия, тау-кен байыту өнеркәсібі мен автомобиль өндірісі саласындағы басым жобаларды пысықтау туралы уағдаластыққа қол жеткізілді.
