Облыс әкімдігінің қолдауымен іске асырылған ауқымды жоба аталған мекеменің материалдық-техникалық әлеуетін арттыруды, сондай-ақ сотталғандарды еңбекке, қоғамға қайта бейімдеуді көздейді. Өндіріс ғимараттарының ашылу рәсіміне мәслихат депутаттары, қоғамдық байқау комиссиясының өкілдері, ҚАЖ ардагерлері, сала қызметкерлері, серіктес кәсіпорындардың басшылары қатысты.
Жалпы аумағы 900 шаршы метр болатын жаңа нысандарға ДМП панель, жиһаз, төсемтас, биг-бэг қап, жеңіл құрылыс панельдерін өндіретін, сондай-ақ фин технологиясы бойынша құрастырмалы үй жасап шығаратын кәсіпорындар орналасады. Қос ғимараттағы өндіріс орындары, кем дегенде, 150 сотталған адамды тұрақты жұмыспен қамтамасыз етеді.
«Мемлекет басшысы Қасым-Жомарт Тоқаевтың құқық қорғау жүйесін жаңғырту және сотталғандарды еңбекпен қамту жөніндегі тапсырмасы аясында ашылған жаңа өндіріс орындары сотталған азаматтардың кәсіби дағдысын қалыптастыруға, әлеуметтік бейімделуіне және бостандыққа шыққаннан кейін еңбек нарығында бәсекеге қабілетті болуына жол ашады», дейді түзеу мекемесінің басшылары.
Қостанай облысы
