Фото: istockphoto.com
Президенттің инфрақұрылымды дамыту және транзиттік әлеуетті арттыру жөніндегі тапсырмалары аясында көлік секторы жоғары көрсеткіштерге қол жеткізді. Көлік вице-министрі Мақсат Қалиақпаровтың мәлімдеуінше, бұл өсімге тау-кен, мұнай-газ және аграрлық секторлардың қарқынды дамуы тікелей әсер еткен.
Өңірлер арасында Астана қаласы үздік нәтиже көрсетіп, тасымал мен қойма қызметтері бойынша 154,1%-ға өсті. Сондай-ақ Жетісу (136,6%) және Қостанай облыстары (133,8%) да жоғары даму қарқынын иеленді.
«Тасымал көлемі экономиканың жағдайын көрсетеді және негізгі көрсеткіштердің басым бөлігі бойынша өсім байқалады. Жүк тасымалы көлемінің артуы экономиканың базалық салаларының дамуы есебінен қамтамасыз етілді», деді вице-министр.
