Асу Алмабаев 28 ақпанда Мехико қаласында (Мексика) UFC-дің бұрынғы чемпионы Брэндон Мореномен күш сынасады. Қазақстан уақыты бойынша жекпе-жек 1 наурызға қараған түні өтеді.
Қазіргі таңда 31 жастағы Алмабаев UFC-дің аса жеңіл салмақтағы рейтингінде жетінші орында тұр. Ол соңғы үш жекпе-жегінің екеуінде жеңіске жеткен. Соның ішінде қараша айында Катарда өткен UFC турнирінде Алекс Пересті сабмишен әдісімен жеңгені ерекше аталды.
Сайттың жазуынша, Алмабаев ақпан айындағы жекпе-жекте ірі жеңіске жетсе, UFC рейтингіндегі алғашқы бестікке жақындай түсуіне толық мүмкіндігі бар.
