Ресей Федералдық кеден қызметінің өз азаматтарына берген мәліметінше, шектеулер автомобиль өткізу бекеттеріне де қатысты болады.
«Шекара бекеттерінің жабылуына себеп – Қазақстанның Тәуелсіздік күнін мерекелеу. 16 және 17 желтоқсанда Қазақстан мен Қытай шекарасындағы келесі автомобиль өткізу бекеттері жұмыс істемейді», делінген жазбада.
Нақты айтқанда:
- Бақты (Абай облысы);
- Майқапшағай (Шығыс Қазақстан облысы);
- Достық және Нұр жолы (Жетісу облысы);
- Қолжат (Алматы облысы) жұмыс істемейді.
Достық және Алтынкөл теміржол өткізу бекеттері қалыпты режимде жұмысын жалғастырады.
