Тергеу мәліметінше, ол шын мәнінде жоқ пәтерлерді жалға беру туралы хабарландыру жариялап, тұрғындардан алдын ала төлем, тіпті толық жалдау ақысын да алған.
Полицейлер оның заңға қайшы әрекеттерінің шамамен 30 эпизодын анықтады. Қазіргі уақытта күдіктінің өзге де ұқсас қылмыстарға қатысы бар-жоғы тексеріліп жатыр.
— Күдікті жолға қойылған схема арқылы әрекет еткен. Біз жәбірленушілердің толық шеңберін анықтау бағытында жедел іс-шараларды жалғастырып жатырмыз. Қала тұрғындарын онлайн мәмілелер жасағанда, әсіресе пәтер жалдауға қатысты келісімдерде аса мұқият болуға шақырамыз, — деді Алмалы аудандық полиция басқармасының бастығы Мақсат Пшан.
