Театр ұжымдары қоғам мен жастарға қатысты өзекті мәселелерді, тұрмыстық құқық бұзушылықтардың себеп-салдарын көркем сахналық тілмен жеткізіп, көрерменге терең ой салды. Салтанатты жиында басқарма басшысы Олжас Бейсенбаев Сәкен Сейфуллиннің «Театр – соқыр адам есту арқылы, құлағы естімейтін адам көзбен көру арқылы жүректен ұғынатын дүние болу керек» деген сөзін мысалға келтіріп, театрдың тәрбиелік мәніне тоқталды әрі жастардың шығармашылық бастамаларына қолдау көрсетілетінін айтты.
Фестиваль қорытындысы бойынша бас жүлде – М.Әуезов атындағы педагогикалық колледждің «Ес Аймақ» студенттік театры, II орын – Сәрсен Аманжолов атындағы Шығыс Қазақстан университетінің «Шабыт» жастар театры, III орын – Әлихан Бөкейхан университетінің «Үркер» өнер орталығы иеленсе, арнайы аталымдар бойынша: «Үздік режиссура» – Ислам Әзизов, «Үздік ер адам бейнесі» – Ғизат Темірлан (Бизнес және сервис жоғары колледжі), «Үздік әйел адам бейнесі» – Анель Ақтаева (Сәрсен Аманжолов атындағы ШҚУ) марапатталды.
Жүлделі орынға ие болған барлық жеңімпазға қаржылай сыйлықтар мен сертификат табысталды.
Абай облысы
