Айтулы жиында Президент Қасым-Жомарт Тоқаев Ұлытау облысының ауыл шаруашылығы еңбеккері Асқар Мұханбетжановты «Ерен еңбегі үшін» медалімен марапаттады. Асқар Әлиұлы Жезқазған қаласында орналасқан «Аяс» шаруа қожалығының басшысы. Қожалық мал шаруашылығымен айналысады. Асқар Мұханбетжанов жәрмеңкелерде халыққа сапалы ауыл шаруашылығы өнімдерін ұсынып келеді. Сонымен қатар өңірде ұйымдастырылатын мәдени және қоғамдық іс-шараларға белсене атсалысады.
Көп жылдық тәжірибесі бар кәсіпкер ұжым арасында да, жергілікті тұрғындар арасында да зор құрмет пен беделге ие.
Ұлытау облысы
