Фото: istockphoto.com
Алдағы күндері Қазақстан аумағының көп бөлігінде ауа райын антициклон айқындайды. Ал батыс, солтүстік-батыс және оңтүстік-шығыс өңірлерінде циклонның алдыңғы бөлігі әсер етеді. Бұл аймақтарда ауа райы көбіне бұлтты болып, кей жерлерде жауын-шашын болады. Батыс өңірлерде қатты жауын болуы ықтимал.
Республика аумағында желдің күшеюі күтіледі. Сондай-ақ түнгі және таңғы сағаттарда елдің солтүстігі мен шығысында тұман түсіп, көріну қашықтығы төмендейді.
«Қазгидромет» мәліметінше, алдағы үш тәулікте ауа температурасының айтарлықтай өзгерісі болмайды. Күндіз жылы, ал түнде суық ауа райы сақталады.
