Коммуналдық қызметтер сынған бұтақтарды көлікке тиеп әкетіп жатыр. Бірнеше көшенің бойында электр желілері істен шықты. Апат болған желілерде 6 бригада жөндеу жұмыстарымен айналысып жатыр.
Ауа райының қолайсыздығынан күре жолдардың бойында да жол-көлік оқиғасы жиілеп кеткен. Полицейлер жол жиегіне түсіп кеткен 9 автокөлікті шығарды.
«Ауа райының нашарлауына байланысты патрульдік полиция қызметкерлері күшейтілген қызмет тәртібіне көшті. Қарабалық ауданына қарай шығатын KAZ-03 «Қостанай – Алматы – Екатеринбург» республикалық автомобиль жолы ерекше назарда. Таңғы сағат 6:00-ден 10:00-ге дейін жол шетіндегі сайдан тоғыз автокөлік шығарылды», деп хабарлады облыстық ПД-ның баспасөз қызметі.
Қостанай облысы
