Конференцияға Қазақстан, Түркия, Өзбекстан және басқа да елдердің ғалымдары, зерттеушілері, мәдениет және ғылым саласының өкілдері келді.
Үш күнге созылған конференцияда Жошы ұлысы мен Алтын Орда дәуіріндегі мемлекеттіліктің тарихи рөлін зерделеу, Ұлы дала өркениетінің мәдени мұрасын кеңінен насихаттау және халықаралық ғылыми қауымдастық арасындағы ынтымақтастықты нығайтуды мақсат етіп отыр.
Пленарлық отырыста Ұлытау облысының әкімі Дастан Рыспеков, Халықаралық Түркі мәдениеті және мұрасы қорының президенті Ақтоты Райымқұлова және ҚР Мәдениет және ақпарат министрлігінің өкілдері құттықтау сөз сөйледі.
Конференцияда ғылыми баяндамалар тыңдалды. Алтын Орда тарихы, Жошы ұлысының мемлекеттілігі, ХІІІ–XIV ғасырлардағы түркі әлемінің мәдениеті, Кетбұқа бидің тарихи мұрасы талқыланды.
«Тұран» ансамблі «Тамыр» концертін қойып, мәдени және этнографиялық бағдарламалар ұсынылды.
Конференция қорытындысында резолюция қабылданып, ғалымдар конференцияның маңыздылығын атап өтті.
Бүгін қонақтар Ұлытау ауданының тарихи жерлерін аралайды.
