Кешкі ас таңертеңгі глюкоза көрсеткішіне тікелей әсер ететін болып шықты. Каталония университетінің зерттеушілері осындай тұжырымға келді.
Nutrients журналында жарияланған зерттеуге қандағы глюкоза деңгей жоғарылаған және артық салмағы бар 50-75 жас аралығындағы 33 ерікті қатысты. Барлығы бақыланатын диетада болды және үздіксіз глюкозаны бақылау құрылғыларын киді. Мамандар қандағы қант деңгейін кешкі астан кейін 10 сағаттан соң тіркеп отырды.
Талдау кешкі асты неғұрлым кеш ішсе және көмірсулар неғұрлым көп болса, таңертеңгі глюкоза деңгейі соғұрлым жоғары болатынын көрсетті.
«Қандағы қант деңгейі жоғарылаған адамдар тамақ құрамын ғана емес, сонымен қатар тамақтану уақыты мен адамның биоритм ерекшеліктерін де ескеруі керек. Бұл тәсіл қант диабетінің даму қаупін азайтуға көмектеседі», - деп атап өтті зерттеу авторы Диана Диас-Риццоло.
Ғалымдар қазіргі заманғы технологиялар – глюкоза датчиктері, мобильді қосымшалар және жасанды интеллект алгоритмдері зат алмасуды бақылауға және тамақтану мен терапияны дәл реттеуге жол ашатынын атап өтті.
