Фото: Су ресурстары және ирригация министрлігі
Бүгінде «Қазсушар» РМК филиалдары 524 жаңа арнайы техника алған. Кәсіпорынға жалпы 757 автокөлік пен құрал-жабдық беру жоспарланған. Министрлік ұсынған техникалар қатарында экскаваторлар, тиегіштер, шынжыр табанды экскаваторлар, тракторлар, тіркемелер, самосвалдар, тартқыш көліктер, автокрандар, жанармай тасымалдағыштар, қосалқы құрал-жабдықтар мен дизельді генераторлар бар.
Арнайы техника паркін ауқымды жаңартуға дейін кәсіпорында 1 665 автокөлік пен құрал-жабдық болған.
Су ресурстары және ирригация министрі Нұржан Нұржігітовтің айтуынша жаңа арнайы техника құрылыс-монтаж және жұмыстарын жылдам әрі тиімді жүргізуге мүмкіндік береді. Сондай-ақ су тасқынына қарсы күресті де жақсартады.
«Министрлік берген техника қазірдің өзінде тікелей мақсатына сай пайдаланылып, гидротехникалық нысандардың сенімділігін және ирригациялық каналдардың өткізу мүмкіндігін арттырып отыр», деді Н.Нұржігітов.
