Ақмола облысындағы диірмен кешені нан өнімдерін жоғары сапада дайындайды

КӨКШЕТАУ. 17 ақпан. Ақмола облысы Жақсы ауданындағы «Урожай» ЖШС-нің диірмен кешені мемлекеттік ҮИИДБ аясында жаңа түрік қондырғыларымен жабдықталған. Бұл туралы egemen.kz тілшісі хабарлады. Наубайхана тәулігіне 3 тонна-тоқаш дайындап, ауданының барлық тұрғындарын сапалы нанмен қамтамасыз етуде. Нанның құны 37 теңгені құрайды. Кешен 300 адамды жұмыспен қамтамасыз етіп отыр. «Урожай» ЖШС диірмендері тәулігіне 520 тонна астықты өңдейді. Элеваторға негізінен жұмсақ және қатты сұрыпты бидай, арпа, сұлы дәнді дақылдары келіп түсуде. Жоғары, бірінші және екінші сұрыптағы дайын өнім 50 және 25 келі өлшеммен қапталады. Серіктестік басшыларының айтуынша, айына 70 вагоннан астам жоғары сұрыпты ұн еліміздің оңтүстік аймақтарына жіберіледі. Сондай-ақ жақсы ұны алыс және жақын шет елдерге, атап айқанда Ресейге, Иранға, Ауғанстанға экспортталуда. Былтыр мұнда жеке қор есебінен өнімділігі сағатына 10 тонна сусымалы және түйіршіктелген мал азығын дайындайтын құрама жем зауыты қолданысқа енгізілді. Бақберген Амалбек. Дерек, сурет: egemen.kz.