Коллаж: Амангелді Қияс, «EQ»
«Агромаркетплейсті және қадағалау жүйесін іске қосу жөніндегі бастамалардың маңыздылығын атап өткім келеді. Олар ауылдық елді мекендерде экономикалық белсенділіктің барынша өсуіне ықпал ететін болады», деп атап өтті Премьер-министр Олжас Бектенов.
Сауда министрлігіне салалық мемлекеттік органдар мен әкімдіктердің жұмысын үйлестіруді қамтамасыз ету, Ауыл шаруашылығы министрлігі жыл соңына дейін агромаркетплейс арқылы ауыл шаруашылығы өндірушілерінің жұмысын ынталандыратын тетіктерді әзірлеу тапсырылды.
«Сыртқы сауда қызметі аясында тауарларды әкелу үдерістерін автоматтандыру, мәмілелердің ашықтығы мен сертификаттау мәселелерінде бизнеске көмек көрсету қажет. Сауда министрлігіне «Қазпоштамен» бірлесіп, жыл соңына дейін В2В электрондық сауда алаңының пилоттық жобасын іске қосуды тапсырамын», деді Олжас Бектенов.
Премьер-министр осы мәселелердің барлығы икемді ведомствоаралық өзара іс-қимылды және бизнеспен тұрақты ашық диалог жүргізуді талап ететініне назар аударды.
