Фото: Polisia.kz
Polisia.kz сайтының хабарлауынша 15 шілдеде бетперде және капюшон киген екі ер адам Астраханка ауылында ерлі-зайыптылардың үйіне кіріп, аңшы мылтығымен қорқыту арқылы қарақшылық шабуыл жасаған. Шығын төрт миллион теңгеден астам. Олар жәбірленушілерді байлап, үйлерінің жертөлесіне қамап кеткен.
ІІМ криминалдық полиция департаментінің бастығы Қанат Нұрмағамбетовтың айтуынша жедел-іздестіру іс-шаралары барысында күдікті үш адам ұсталған.«Олардың екеуі Жамбыл облысының, бірі Түркістан облысының тұрғыны. Бұған дейін бірнеше рет осындай қылмыстар үшін сотты болған.Тінту барысында жәбірленушілерге тиесілі алтын бұйымдар тәркіленді», деді Қ.Нұрмағамбетов.
Қазіргі уақытта үшеуі де уақытша ұстау изоляторына қамалған, тергеу жүргізіліп жатыр.
