«Тайқазан» Петропавлға жеткізілді

ПЕТРОПАВЛ. 17 ақпан. Ақмола облысының этномәдени бірлестігінің өкілдері солтүстікқазақстандықтарға «Қазақстан халқы Ассамблеясы - 20 ізгі іс» эстафетасының символы – «Тайқазанды» табыстады. Бұл туралы Солтүстік Қазақстан облыстық мәдениет және құжаттамалар басқармасының баспасөз қызметі хабарлады. ҚХА эстафетасына қатысушыларды Қызылжар өңірінің этномәдени бірлестіктерінің жетекшілері қарсы алып, содан кейін Аққайың ауданындағы қарттар мен мүгедектерге арналған Смирнов интернат үйіне ат басын тіреді. Сосын эстафета ата-ананың қамқорлығынсыз қалған балалар мен жетімдер тәрбиеленетін Соколов мамандандырылған мектеп-интернатына әкелінді. Этномәдени бірлестіктің өкілдері балаларға сыйлық үлестіріп, ән-жырдан шашу шашты. «Тайқазан» – жақсылық пен қайырымдылықтың символы. Ол біздің барлық аймағымызды аралап өтеді. Тайқазанды бізден павлодарлықтар қабылдап алады», – деді еврей этномәдени орталығының төрағасы Рашбиль Евдаев. Астанада 6 ақпанда басталған эстафета 22 сәуір күні ҚХА-ның 22-ші сессиясында ізгі тілектерге толтырылған «Тайқазан» Елбасы Нұрсұлтан Назарбаевқа табыс етіледі. Өмір Есқали. Дерек: Солтүстік Қазақстан облыстық мәдениет және құжаттамалар басқармасының баспасөз қызметі. Сурет: «24kz».